تزوجني لأنجب له ذكراً وعندما فشلت هجرني

انا زوجه ثانيه تزوجت بعد 7 سنوات من الطلاق من زواجي الاول بعد ان سافر طليقي ولم نعلم عنه شيئا فما عاد يصرف علينا انا وابنته وتركنا فقمت بعمل طلاق للضرر بعد 3سنوات وطلقت بالمحكمه وبعدها بعامين تزوجت من رجل متزوج بعلم من اهله وزوجته وعملنا فرح وجاب ليا كل حاجه وحبني جدا وانا كنت محرومه من نعمة الزواج سنين عشقته جداا ولكن كانت فكرة الزواج مبنيه عل الخلفه اخلف ليه ولد لانه عنده بنات وبعدها فوجت ان عمل عملية حقن مجهري لزوجته الاولى وانجبت ولد وانا عملتها ومحصلش نصيب ومخلفتش لحد الان اصبحت حياتنا صعبه تغير الاحوال وتبدل حاله ومعامله سيئه ومبقتش اشوفه وكره حياتي وانا كرهت نفسي وحظي ويئست ليه ماليش حظ في ان يكون ليا زوج بموت كل ليله من القهره والحزن امتا بقى افرح بقالي سنسن في هم وغم ونكد عندي اب في منتهى القسوه مادي جدا مالوش دعوه بيا ولا حتى يفكر يساعدني اتبهدلت كتير لدرجة انا حاسه بظلم شديد عمل لزوجته الاولى فيلا وجابلها عفش جديد وعربيه وخدامه وبقى يذل فيا وفلوس مفيش ومعامله قذره تعبت اقسم بالله لا زوج ولا اب ولا اخ ولا اخت كله زفت مش لاقيه رحمه بموت والله خلاص مع اني ست مكافحه جدا انا مدرسه وبدي دروس وبصرف عل بنتي وعندي قطعة ارض اشترتها وبحاول ابنيها بس تعبت من الوحده واتقهرت مبقتش بنام مقهوره لدرجه لا توصف اعمل ايه شويه ادعي وشويه اكره نفسي عايزه امووووت معشتش شبابي نفسي في راجل يصوني ويحبني واقف جنبه ويقف جنبي عايزه حياه عايزه اعيش ارجوكم