وصلت لمرحلة مع زوجي أني وأبنائي بكفه وطفله اليتيم بكفة ثانية

انا تقدم لى شخص كان متزوج وعنده ولد وزوجته متوفيه كانت مريضة بمرض السرطان وهى كانت اجنبيه الجنسية اول ما زوجته توفيت جاب ابنه ليعيش ويتربى وسط أهله وبدء يدور على زوجة وكنت أنا صاحبة النصيب تزوجنا وكان عمر ابنه ثمانى سنوات لقيت الولد مدلع خالص بمعنى أنه لو عايز يشرب اجبله المايه وهو فى السرير انا البسه احميه وياكل مايشيل الاكل مكانه طول اليوم لعب على التليفون والتلفزيون أبوه عوده على كده الولدلو طلبت منه حاجه يجبها من تحت البيت مش بيرضى ويرد يقول أنا مالى مش نازل عايزه تقولي لبابا قولى وهكذا وكمان بيشتم ويرد عليا بتكلم معاه كتير واقله كده عيب وغلط انا ماما ما فيش اشكى لجوزى يقول ده عيل صغير عمله عقلك بعقله المشكلة أن السبب فى ده كله أبوه رباه على عدم تحمل المسئولية كل حاجه هو بيعملهاله ولما جيت بقيت انا وانا تعبت من الوضع ده ودلوقتي أنا عندى طفلين بنت وولد البنت عمر سنتين والولد سنه لو أخته بتلعب معاه أو اخذت منه حاجه يضربها علمها الضرب والعنف تجى تضربه أبوه يقوله لوضربتك تضربها وهى البنت لا تدرك شئ جوزى بيقولى ده يتيم ومطعاطف معاه لابعد الحدود حتى لو شتمنى معندهوش مشكله لاكن انا لو قلت لو ما احترمنيش حتوقف عن خدمته يزعل منى وجيت فى مره اخذت موقف وامتنعت عن خدمته عشان ياخذ جوزى موقف ويبتدى يضع حل لقيته بيخدم ابنه ومش بيكلمنى ودى مشكلة ابنه معايه أما هو من اول ما تزوجنا وهو مش بيشتغل قلى انا حاعمل مشروع ومش بيعمل حاجه كل ما يقررعلى حاجه يتراجع ومعتمد علي فلوس بتجى من بره لابنه عايشين بيها انا عرفت الكلام ده متاخر عشان كده لما بزعل من الولد ومش بعمله حاجه بيزعل منى لأن الولد هو اللى بياكلنا ويشربنا فيعمل اللي هو عيذه واحنا خدامينه كمان المهم أن انا وصلت لمرحلة أن انا واولادى فى كافة وهو وابنه فى كافه وان ماليش حد جوزى متمسك بالبيضه اللى بتجبله دهب واحنا هوا اعمل ايه مع ان هو شخصيه فيها عيوب كتير وطول الوقت مشاكل بسبب العيال صعب اعيش الحياه كده انا عايزه انفصل