أي نقاش بيننا ينتهي بمشكلة بسبب غيرة زوجتي وتحقيقاتها المبالغ فيها

السلام عليكم الله يمسيكم بالخير ،،، يا جماعة حطو حالكم مكاني لاني انا خايف ادمر حياتي الزوجية ، المهم انا شب عمري 25 سنة تزوجت من 7 اشهر تقريبا من وحدة بتقربلي اصغر مني ب 3 سنوات ، المهم الحمدلله انا صحتي جيدة و اجتماعي جدا و هذا الاشي بزعج زوجتي و هي دائمة الشك و عالية الغيرة لأبعد الحدود حتى انه لما نطلع مع اصدقاء النا زي صديقي و مرتو بتغار علي منها !!! مع اني ما بعمل اشي ولا اي كلام غريب بطلع مني و كمان لما اكون انا وياها كالعين مكان عام فجأة بتحكيلي ليش البنت اللي مرقت بتطلع فيك و انا والله ما بتطلع على النساء مستحيل حتى لو اجت عيني بل غلط على طول بتحاشى النظر ، و اول ما اطلع من البيت لحالي بتجنني كل ثانية بترن ، شو بتعمل ليش طولت مع مين قاعد ..... الخ ،تحقيقات و مباحث جنائية و بتضل تسألني اسألة غريبة لما نكون سهرانين ، انت كنت تحكي مع بنات قبل ؟ و انت كم وحدة طلعت معها و هل صار انو صار بينك و بين اي بنت اشياء فوق العادة ، و انا طبعا بجاوبها لا و اصلا ما كان الي على هل اشياء قبل الزواج ، طبعا كنت اكلم زميلاتي ايام الجامعة و صديقاتي بل عمل بس صداقة و لاكني ابدا ما طورت اشي بيني و بين اي بنت او اني عملت حرام قبل الزواج ، انا حاسس انها راح تجنني حتى اني بدأت اشك بحالي ، حتى بحسها بس اكون نايم بتفتش تلفوني بشكل يومي ! طب انا شو عامل حتى انها ما عندها ثقة ! ،، شوفولي حل ، بحسها بدها اياني اضل قاعد عندها في البيت و محبوسين حتى لما اكون معها بمكان عام و بنت تغلط و تيجي عينها علي بتعملي مشكلة و مين هاي و انا اصلا ما بكون فاهم عن شو بتحكي ، يا جماعة بدي حل حتى الامور ما تطور لاني صرت احس اني بنفر منها .