اكتشفت أن زوجي له ابنة غير شرعية ولا أدري ماذا أفعل؟

ابغى حلول منطقيه وكلام يساعدني مابغى اي كومنت انا متزوجه ليا ٤ سنين عندي ولد،،  زوجي طبعو حلو الحمدلله كريم ومايقصر معايا ويخاف ربه الحمدلله هذا الاسبوع بالذات اكتشفت كثرة اتصالات من وحده واستغربت وعن طريق برنامج تواصل ولما اشوف الجوال من برا تبان الاتصالات والرسايل وصورة البنت اللي هيا صورة اكاونتها على طول سئلت زوجي مين هذا اللي بس يتصل عليك قالي الاندونيسي طبعا زوجي بنى مسجد ف اندونيسيا ويتواصلوا معاه كل فتره قالي يكلمني من حساب بنتو اليوم لاحظت رسايل من برا رحت اخذت جوالو طبعا هوا رمز جوالو مخليه نفس رمز جوالي فتحت لقيتو ماسح الرسايل مرا زعلت حسيت فيه شي انا عارفه تصرفي غلط بس كنت ابغا ارتاح واقطع شكي رحت سئلتو ايش حكاية الاتصالات والرسايل ترا شي مو طبيعي ماجاوبني البدايه يطالع فيا وف عيونو كلام سئلتو ثاني قال هذي بنتي متخيلين ؟ بنته امها اندنوسيه تزوجها عرفي قبل ١٦ سنه علماً زوجي مو كبير عمره حاليا ٣٥ يقولي ايام طيش وماا ابغى الحرام تزوجها بالشهود والمهر واهلها عارفين بس توفت مادري متى بس قالي توفت ومحد يدري حتى اهله انا انصدمت لاتكلمت ولا بكيت ولا شي مخي شغال وبس ايش الحل ابغى حل يريحني مخي مو راضي يرتاح من التفكير هوا قال سامحيني ماعلمتك بس هذا سر بيني وبين الله للعلم يصرف عليها كل شهر وانا ياغافل لكم الله يارب انك تكون في عوني وتهديلي بالي