زوجي شخص مكروه من الجميع ... و اهلي يرفضون رجائي بالطلاق

السلام عليكم ورحمة الله انا تزوجت بس من اجل الزواج ليس اكثر ميشان يحكو انها اتزوجت مع انو عمري كان 27 سنة وكنت موظفة وانا جامعية اجاني زميلي بالشغل مع شهادة دكتوراة بس شخصيته جدا حقيرة استغلالي لسانه طويل بيكبر المسائل ما عنده ذمة ولا ضمير انا ما كنت اعرف هالحكي عنه الا بعد الجيزة ومو قادرة اكون قوية واطلق لاني ممو حابة ارجع ع اهلي. المشكلة في زوجي يمكن اسيء التعبير لاني مو قادرة اشرح واعبر عن اللي ببالي هلا هو موظف معي بنفس الدوام اكتشفت انه بيحبني هو شخصية بالدوام مش محبوبة لانو مفكر حالو اشي كتير وانه دكتور وبيفرض حاله عالناس يعني باي قعدة لازم هو اللي يكون بيتكلم هو المتحدث وهجومي بالكلام والنقاش بس زي ا حكيت بالبداية ارضيت فيه لانو بسبدي اتجوز زي كل هالبنات اللي بعمري واجاني واحد بيحكي انو بيحبني، بس طبعا طلع الحب عنده بس ع التخت وكلام بس، هو بالظاهر وبالكلام اللي دايما وبكل قعدة بيحكي فيها انو مبين عليه انو مرتاح ماديا حتى بس اجى ع اهلي وطلب الهدايا اللي جابهم اول زيارة كانت كتير غالية يعني بيطابق المبدا اللي بيحكي فيه هلا بعد الجيزة جبتله من مهري 1000 دينار وجبت كمان اغراض المطبخ وكهربائيات بقيمة 1000 دينار، هو ما كان يحكي لا وما كان عنده مانع بالعكس ع اغراض المطبخ قلي جيبي وانا بعطيكي. بعدين اكتشفت انو كداب رجل هو واهله عايشين على الكلام والتبهور وانا احنا احسن الناس بس كله ديون وقروض وبيوتهم كتير بسيطة وعادية بس قدام الناس بيوخدوهم بالكلام والحكي واحنا واحنا وهم اقل من عاديين ويا ويل اللي بيعارضهم او ما بيعجبهم ببلش شل الامل. هلا بعيد عن اهله اللي تقريبا اللي تفكرريه مطابق لتفكيرهم. ماديا صفر وراتبه كله قروض وديون بيروح وعلميا مع شهاده لا يفقه عنها شيء حدا كاتبلوا رسالته الدكتوراة، واجتماعيا مكروه هي اللي تلات سنين متزوجة ما الا اصحاب ولا حبايب بحاول قربه من الناس ما بيرضى، بيحب الاس هي اللي ترن عليه وتحكي معه وتطلب منه المصيبة انو هلا معي ولد عمره سنتين واهلي من الناس الي بيكره البنت المطلقة وكتير بيجو في البنت اللي هيك وضعها خصوصا انو خادعهم بالمظاهر انا كنت بشتغل بالاردن كان تقريبا راتبي رايح للبيت واجاره وللصغير ، وما كنت ابخل باشي كل راتبي يروح عليه وع بيته، وعادي بيطلب مني مصاري بالعربي بيحكي ما معي اعطيني واذا ما اعطيته بيزعل المصيبة انو بطلوع الروح قبل يسافر برا الاردن ويشتغل انا روحت معه ما بشتغل حاليا بس هو ولو تشوفو كيف التعامل علشان ما اللي راتب شفت البخل والضين ومو عارفة شو اعمل ومو عارفة اعبر عن كل اشي