كرهت كل شيء والسبب في ذلك أهل زوجي

انا إمرأة متزوجة مند 6سنوات لدي ولدان عاملة وزوجي يعمل في التجارة مع عائلته ، اعيش مع عائلته مند زواجي المتكونة من 3 ذكور و3 إناث والرابعة متزوجة ووالديه ولداي عمرهما 5 و 3.5سنوات ينامان معي لذي غرفة واحدة من بين 7غرف . تزوجت بعدم رضى اخي الأكبر كون زوجي لديه مستوى العلمي المتوسط وقصير القامة وباعتقاده انه يطمع في مالي مع العلم ان أحواله المالية جيدة مع عائلته ولا يتقاضى اجرا على عمله لكنه يصرف المال عند الحاجة...قبل زواجي وعدني هو وعائلته بمسكن خاص عام بعد الزواج لكن لم يتم هدا وبدات المشاكل بعد عامي الثاني من الزواج عند انجابي للطفل الثاني حيث اصبحت اهتم باولادي ولا استطيع الدخول الى المطبخ وادا دخلت اترك اولادي معهم الامر الذي لم يعجبهم بالخصوص اخته المتزوجة التي اصبحت تفتعل المشاكل معي وهم ينصتون لها تفاقمت المشاكل وبدات بطلب مسكن خاص قال لي "اصبر حتى توجد الدار لي وعدوني بيها باه هوما يروحو ليها" صبرت... وانا مقدراش نعيش معاهم حتى دقيقة مرات نغضب ونجي عند ماما ومرات نتهاوشو "كي نخرج معاه ميعجبهمش لحال وميزيدوش يهدرو معايا.كي ندخل المطبخ يخرجو كامل.كي يلقاوني يسكتو.كي تخدم يهدرو معايا كامل وكون منخدمش ميهدروش....... بصح هوما ميديرو والو .وكي نقولو لراجلي على هدا المشكل يقولي انتي مريضة .وجدت دار هديك بعد5سنوات زواج محبوش يروحو ليها ومخلوهش يروح ملاه جديدة ودارو سابا حنا نعيشو عيلا... حتى ندخلو العرايس باه كل واحد يعيش وحدو.فصيف رايحين يزوجو ختو في زوج واحد يسكن معاهم فالدار الجديدة وواحد معايا يقعد وزيد سلفي لي مازال ممزوج يقعد تاني معانا.مع العلم ان هدا المنزل يتكون من طابقين مفتوحين على بعضهما وراجلي كان وعدني كي يقسمو على 2وكل واحد بدارو زعفت بزاف المرة هدي ورحت عند ماما درك عليا 21 يوم وقلتلو يتقسم دار ينكريو مخلوهش مليه وانا خلاص عييت المرة هادي تاع الصح ومالقيت حتى حل وهو غير يسبني ويعاود وانا هاربا من المشاكل قلتلو هنيني وهنيهم مع العلم انه لا يوجد مشاكل معه الا هده المشكلة والمدبر في داك المنزل إخوته البنات و امه . أرجو الافادة لا استطيع التحمل اكثر كرهت كل شء في حياتي.