غيرتي تجاه زوجي أصبحت مرضية، فما الحل؟

انا امرأه متزوجه من ابن عمي منذ ١٢سنه وعندي ٣ اولاد والحمدلله وهو اكبر مني ب١٣ سنه...عايشه في بلاد الغرب...مشكلتي باختصار مغلبيتني وقاهريتني ونفسي اخلص منها لحتى ارتااااح...مشكلتي بالغيره الفضيعه...بغار ع زوجي من النساء سواء جميله او عاديه سواء قريبه او بعيده...يعني بغار من سلفه الي لما زوجي يحكي معها عادي ويمزح ويضحك مع العلم انه زوجها بضحك وبمزح معي نفس الشي بس انا بصير احكي مع نفسي اكيد شايفها حلوه واكيد بحكي متلا هاد الشي فيها حلو وهاد حلو...وحتى بغار من مرة اخي نفس الغيره ومن اي وحده عربيه اما الاجنبيات مع انه لبسهم معروف شو هو بالصيف ما بحس بهالغيره...وكتير بزن عليه ما تطلع ..ما تضحك مع فلانه...ومرات بعمل مشكله من لا شيء...يعني موعودين بزياره لاخي ومرته عنا عالبيت..المفروض اني انبسط وافرح انه حدا اجى عندي بهالبلاد اللي عايشيين فيها بعزله بس للاسف ما بحب ييجوا ع شان الغيره من مرة اخي..بصير احسب شو بدها تلبس وطرييقة حكيها ومياعتها وانه هل زوجي رح يعجب فيها ويحكوا بباله انه واااو شو هالمره ...مع انه زوجي مش من هالنوع وبحبني وبحبه...بس خلص وسواس بقهر فيني...يا ريت كلامكم ييجي ع الوجع وارتاااح وشكرا