زوجة أخي دايماً ساكتة!!

مرحبا .. الله يسعدكم انا عندي اخوي متزوج من ٣ سنوات وعنده طفله .. المشكله زوجته من النوع الصامت بس ساكته عند زوجها وعندنا بعد نعزمها ونسولف وياها عشان تتعود علينا ماش ساكته ولاتعطي اي ردة فعل لدرجه والله مانجيها إلا فتره وفتره عن القطاعه اخوي قبل الزواج والله ما هو راعي مكالمات وسوالف وخرابيط راعي بر ووناسه وطلعات ويقعد بألاسابيع هناك بعد الزواج اصبح بيتوتي عشانها ، لكن اشوفه ذلحين اغلب وقته بالأستراحه مع الشباب وشفته اكثر من مره يراسل بنات ضربته ع فخذه بطريقه مزح طبعاً وقلت له اخس وش ذا ياعيب الشوم عليك يا ابو فلانه ضحك وقال نقضي وقت فراغ لا اكثر ومجرد سوالف عابره ، يعني صمت الزوجه له دخل بالموضوع ؟! اخوي يوم يجي لمنا يسولف عن وين طلع وين سافر ومقاطع بجواله نشوفها معه ؟! مدري هو يسولف معها كذا ولا لا !! شي ثاني زوجة اخوي للأسف مواضيع بيتها نسمعها من امها واخواتها ما شاء الله حتى علبة المناديل يدرون بها !! عيب والله ليش كذا اهلها من النوع الي يتدخل بكل كبيره وصغيره ، عكسنا ولله الحمد عودونا اهلنا من صغرنا مالنا بالقيل والقال وكثرة السؤال !! الأن وحده مثل هذي كيف نتعامل معها مابي خراب بيت اخوي ومعاملته لها وربي زينه هو انسان خدوم ومطيع وراعي مسئوليه لكن إذا عاف الشي ما سأل عن هواء داره ،، المشوره يالربع تكفون ..