من يوم ما تزوجته وأنا أعيش في صراعات ومشاكل لانهاية لها

من تزوجت وأنا وزوجي صراعات ومشاكل أول ماتزوجته من الشهور الأولى وهو متعلق بالطلعات يعني يحب يطلع كثير وأنا إنسانه بيتوتيه لكن حاولت قد ما أقدر إني أتركه على راحته لكن ما قدرت لأن نظامه يوميًا دوام يرجع ينام يصحى المغرب يروح أهله بعدين نادي وأحيانًا استراحه ويجيني اخر الليل وينام تناقشنا لين حدد يومين بالأسبوع يروح للاستراحه لكن ما التزم مره يقول عزمني واحد مره يقول مباراة ويتعذر ويروح طبعًا تجيه فترات يلتزم مايروح للاستراحه يروح للنادي وأهله ويجي اخر الليل يقعد معي ساعه ساعتين وينام وعلى هالموال أنا مو مشكلتي بالطلعه لكن طلعاته أكثر من قعداته معي والمشكله مو هنا وبس هو مقصر كثير معي بالعواطف مافي اهتمام بالعاطفه أبد حسيت إني كأني ببيت أهلي مافرق معي الزواج شيء "إلا الكرف" مع إنه ما يضغط علي بشغل البيت لكن لازم اقوم فيه حتى الممارسة الخاصه والله بالاسبوع مره "طبعا اكتشفت انه يعاني من ضعف" واكتشتف إنه يشاهد مقاطع اباحيه للاسف وسكت ومشيتها مع ان كان هالشيء متعب لي هذا غير الردود السيئه ببداية الزواج اللي كان يرد علي اذا ناقشته طبعا انا بختصر لكم جاء اليوم اللي رحت لاهلي زعلت وراح كلم اخواني وتفاهموا وجيت قلت لاخواني كل شيء وتناقشوا معه واتفقنا كل شيء يتغير وتمام رجعت معه لكن الوضع نفس ماهو تغير فتره ورجع لكن ماصار يقول كلام سيئ إذا عصب حمدلله يقول كلام بس نادر بقولكم ايجابياته "مهتم ببيته نوعًا ما + يطلع معي يتمشى أحيانًا + يحب الحياة + يسولف معي + له حس بالبيت يعني + يشاورني باموره ) لكن أحس ناقصني أشياء كثير مره تعبت نفسيتي معه تكلمت بعصبيه وزعلت تغير كم يوم ورجع + تكلمت بهدوء مافاد + من ناحية العلاقه الخاصه جربت كل شيء وكل الطرق مافي فايده حتى ماعمري حسسته بالضعف ولا شيء تزاعلنا كثير وصارت مواقف كثير ألحين وصلت مرحله من الصدمه ماعاد فيني أسوي شيء خلاص ، شريت لي كتب وجبت كتبي من بيت أهلي وقاعده أضيع وقت ولا أسال عنه ولا أهتم ولا شيء وصار هو مستانس يطلع ويروح ويجي وخلاص سكت ماعاد فيني طاقه أقوم بواجباتي أسوي اللي علي والبيت مره مهتمه فيه لكن هو صار يقول منفسه ويجي يقعد يحارشني وش فيك ، ترى اذا ماعقلتي بعرف أتصرف معك ويهدد أقوله وش سويت لك ؟ يقول تعرفين وش مسويه أقوله قاعده ومرتاحه وأنام وأكل وأدوام ومبسوطه ومسويه اللي تبيه ، قام يعصب ويصارخ وطلع طيب بفهم وش يبي ؟ صار أناني يبيني أدلعه واسوي له وأحط له بس إذا صار هو مروق وله خلق وباقي الوقت طالع لا اهتمام لا سؤال لا أي شيء ولا علاقه خاصه ، تعبت ماعدت أعرف وش أسوي مرات أفكر أنفصل عشان ما يضيع شبابي معه ، بس متخوفه لاني انا احبه فعلاً ما اكرهه ولأن الرجال نوعًا ما فيه شيء كويس مانكر وأحس انه يحبني لكن احتياجاتي كلها ماتعني له شيء ، هو عنده أهم شيء أوفر لك الأساسيات حب مايحتاج وعلاقه خاصه هذه قدرتي طيب أنا ماهمني العلاقه الخاصه لو كان يعوضني بالاهتمام والحنان والحين وضعي من ٥ ايام هدوء وصمت اكلمه لكن بشكل سطحي واقوم بواجباتي واروح معه زيارات لاهله واهلي ، وهو يجي يحارشني شفيك ويهاوش . ماعرف الحين وش اسوي احتاج منكم ردود هل ممكن اصبر واستحمل الوضع ، هل ممكن يتغير أو لا ، هل أستمر على وضعي ، أساسا تبلد فيني كل شيء وصرت أتعب وأتضايق وتركت كل شيء للامانه ما حسيت فرق معي الزواج شيء عن بيت أهلي ، والاحتياجات الحسيده والعاطفيه اللي أبيها محد يقدر يوفرها لي إلا هو للامانه ماني عارفه كيف اتكيف وأمشي حياتي بدون نفسيتي ما تتأثر ، وخايفه تصرفي الاخير هذا يخرب الأمور اكثر ، مع اني صرت اتجاهل وانشغل وارتاح نوعًا ما ، لكن دايم أحس انظلمت معه وخاصه اذا احتجته عاطفيا او جسديا وكان مهملني ، وخايفه لو استمرينا كذا الوضع يزيد سوء . وعلى فكره تكلمت معه كثير بهدوء ونقاش يقول هذا أنا وهذا طبعي ، طيب أنا ماعندي مشكله لو صار يشبع احتياجاتي