زوجي ضربني ولا يريد أن يسامحني

السلام عليكم انا متزوجة من ٨سنوات ومغتربة مع زوجي عندي ٣اولاد وحياتنا كويسة والحمد لله لا تخلو من المشاكل الحياة العادية من عدة ايام حدث خلاف بيني وبين زوجي وتطورت الأمور سريعا لدرجة انه مد أيده عليا ودي اول مرة تحصل وللاسف ده حصل قدام الأولاد ولاني حسّيت أني اتهنت جامد صعبت عليا نفسي اوي وحسيت أني وحيدة في بلد غريبة ومليش حد غير ربنا سبحانه وتعالى حبيت ادافع عن نفسي وخرجت عن شعور ودفعت زوجي جامد او ممكن أكون ضربته وده حصل من هنا وهو اتجنن فضل يضرب فيا لحد ما وشئ جاب دم وكان هيغمي عليا من الضرب انا عارفة غلطت بس اعمل ايه غصب عني الشيطان تملك مني ودلوقتي هو زعلان وانا عاوزاه يسامحني ويرضا عني قوللي اعمل ايه هو كل حياتي ومقدرش أعيش هو بعيد عني