ضعيف الشخصية مع زوجتي الثانية

السلام عليكم متزوجه من رجل متزوج قبل كل شيء زوجي إنسان طيب بس ضعيف شخصيه ماله كلمه الله المستعان ؟؟اكتب لك وانا ضايق صدري مدري كيف اتصرف يبدأ لك بالمشكلة انا أمس الفجر جاني ضيوف وهم اخواني اللي ماعمرهم دخلوا بيتي هذي اول زياره للمدينه اللي انا فيها وكان زوجي عند أهله اللي هي زوجته الاولى وانا طبعا قمت بأهلي فطرتهم وقهويتهم وجهزت لهم الغرف وناموا و على الساعه ٨ الصبح أرسلت له رساله ان اهلي عندي عشان مايجي يفتح الباب واخواتي بالبيت وقلت له لازم تضيفهم قال خير ان شاء الله وقفلت الجوال ونمت وصحيت على الساعه ١١ الصبح وجاء وجاب أغراض نافصه بالبيت ورجع دربه وماسلم على اهلي ولا شيء وقال حطي لهم اي شيء بحكم انه عند زوجته ماله دخل بأهلي انا هنا تفشلت مدري كيف أتصرف احس ودي ابكي واصرخ بس كتمتها بنفسي عشان اهلي مابي اضايقهم وسالوا عنه وقلت ماعندي رصيد عشان أكلمه وحسوا اهلي بالأمر وراحوا عند عمي اللي سوا لهم عزيمه كبيره ؟؟وأهلي روحوا من اليوم الثاني عشان مايحرجوني مع زوجي