الإهمال العاطفي من زوجي إلى متى؟ وما الحل؟

مرحبا انا عمري 24 سنة متجوزة الي 5 سنين وزوجي اكبر مني بعشر سنين..ماكنت احس فارق العمر اشي كبير فترة الخطبة بس بعد فترة من الزواج حسيت انه انا في دنيا وهو في دنيا..انا بدي حدا يحاكيني ويشاركني تفاصيل يومه باعتبار اني متغربة وماالي قرايب ويادوب بحكي مع امي عالنت..اهتمامه فيي صار قليل بده اياني اضل انا مهتمه فيه وهو مو عامل اي شي وازا حكينا فترة الغدا بكون الحكي محدود..مابحسه بقدر الشي يلي بعمله اياه وحاسه انه النا عشرة سنين متجوزين مع اني حاسه اني مو مقصره بس مابقدر اضل اعطي واهتم وانا مو ملاقيه اي مقابل او اهتمام فالشي يلي بعمله ...ازا اهتميت في حالي صدف لاسمع منه كلمة حلوة وازا ماعملت شي بعلق علي انه ليه هيك تاركة حالك ..هو مو مقصر فيي ماديا والحمد لله موفر لبيته كل شي بيحتاجه الا الحنان وازا حكيتله انه يلعب مع ابنا يلي عمره سنتين ونص بحكيلي انه تعبان وهاد الحال دايما ...شو الحل وشو ممكن اعمل لاغيره