كيف أفسخ خطوبتي.. أهلي والشاب مصرين على إتمام الزواج

السلام عليكم انا خاطبة من 4 شهور تقريبا وباقي لعرسي 4 شهور ومن لما خطبت وانا مش مرتاحة وكل يوم نكد وكل يوم عياط لاني مش حاببته للشب حكيت لاهلي كتير وطلبت الطلاق لكن النتيجة كانت بالضرب وانه يسكتوني وانه اذا بطلق راح انحرم من تعليمي وفي كل مرة كانو يسكتوني بالاخر انا طفشت فحكيت للشب نفسه قلتلو خلص طلقني وقدام اهلي منحكي انه القرار مشترك وانه انت كمان ما بدك بس بردو ع الفاضي ضل يحكيلي انا شاريكي وبدي اتزوجك وانا استمريت بالرفض لحتى رجع هو سكتني واهلي خلوني احلف ع القرآن انه ما احكي اني بديش اياه او بدي افسخ الخطبة يعني انا مع اهلي ما خلصت ومعه ما خلصت وبحس انه تفكيرنا جدا متباعد مثلا انا بأيد التعليم هو لاء وكتير شغلات من خلال نقاشنا فيها بيتضحلي انه شخص متخلف وانه مش راح نكمل مع بعض وحتى لو تزوجته راح اطلق بالاخر للعلم انه انا لسا عمري 17 سنة انا لسا صغيرة ومش حمل خطبة او زواج بتمنى تساعدوني الاقي طريقة انه افسخ خطبتي منه باسرع وقت بترجاكم .. ضروري كتير