زوجي بخيل عاطفياً بكل ما تحمله الكلمة من معنى

لا اواجه صعوبة في اتخاذ القرار ولكن أريد ان أدرس جميع الحلول الواقعية المحتمله.. عمري ٢٦ متزوجة منذ ١٠ أعوام .. لدي أجمل ماحصل لي بهالحياة ولداي ٨و٧ اعوام .. وحامل .. الموضوع وبكل اختصار انني اعيش في منزل انا من يقوم به بماتعنيه الكلمه .. الزوج عليه دفع ايجار وكهربا ومويا.. وانا علي كل شي حتى ملابس عيالي وحليبهم من تزوجت هذي الحاله .. طبعاً ماديّاً مو مهم عندي الصرف او النفقه .. المهم عندي الشي المعنوي والحسّي .. زوجي بخيل عاطفيّاً بما تعنيه الكلمه وبخيل بوقته مع عائلته بماتعنيه الكلمه حتى لقاءاتنا كزوجين بالشهر مره وقضاء واجب من طرفه لا اكثر حتى لما اعبر له اني احتاج الشغله الفلانيه منك واحتاج حضنك يوقت جواله ويحضني ويقول خلاص انتهى الوقت !!!! الاطفال انا ابغاهم اخذ حبوب كلوميد واحاول قد ما اقدر انه تصير علاقه بيننا رغم اخذ احتياطاته الا اني ابذل الاسباب ولله الحمد .. طبعاً فترة الحمل انا اقوم بنفسي وانا اللي ارعاني حتى بالفيتامينات انا اشتريها لنفسي يقول انت تبغين الحمل !؟ اتحملي.. سلبياتي كزوجه هو شيء واحد فقط اني اطلب مالايطلب كالاهتمام والرعاية والمبالاة وان يحسسني بوجودي والاطراء والمدح .. امور حقيقةً افتقدها كأنثى .. في كل مرتب او حافز او مكافأة تحصل لي احتفل فيها معه واحضر له هدايا وملابس انيقه واحذية رائعة واحيانا اهديه جوالا جديد اصدار حديث.. وهو لايفكر بي حتى عندما يأخذ قرض للسفر مع اصدقائه لايفكر بوداعي بوردة!!! وانا استقبله باحتفال واجهز له كل الامور حتى اطفالي اصبحو يساعدونني في هذا الامر ويذهبون للنوم مبكراً كي يكون لي مع والدهم وقت ولكن للاسف يأتي لأخذ حمامه وينام في المجلس او الغرفة الأخرى وانا انام ودمعي على خدي !!! يستيقظ في اليوم التالي ليجد لباسه جاهزاً فيغسل وجهه ويلبس هندامه ويغادر ويعود متأخرًا.. لايحتضنني ابداً ولا يلمسني ابداً حتى عندما ابادر يصدني وكانت تحز في خاطري .. ابكي قبل النوم واذا رأيته غط في النوم اتيت بجانبه لأحظى بقليل من دفى حضنه لكنه مايلبث ان يستيقظ ويقول اطلعي برا او يقول انا اريد ان انام لوحدي لا اريد احدًا بجواري.. طبعا حياتنا من البداية كذا وكنت اكلم استشاريات اسريات كانو يقولولي بادري وافعلي ماتحبيه ان يفعل لك حتى اشتريت غرفة النوم التي احلم بها واشتريت لاطفالي العاباً جديده ولزوجي عطوراً فاخرة وملابس جميلة .. دخلت جمعية واستلمتها في سفره ففاجأته بالمستجدات ولكنه قال لو اعطيتني الفلوس كنت دخلت مشروع بدل الهبل ذا!!!! طبعا اطفالي دخلو مدارس واحتجت لمدرسه ومدارسهم تعليم حديث صح حكوميه بس الدراسه صعبه فقررت اجيبلهم مدرسه صفوف اولية طبعاً رفض يدفع لها قال كفاية اوديهم وارجعهم من المدرسه وبعدين درسنا واحنا صغار بدون معلمين ماصار شي.. ع العموم عادي مرت فترة شهر قال لازم سواق شوفي جارتك عندهم سواقهم ياخذون عيالنا مع عيالهم عشان ما اقطع دوامي اخر النهار وتروح علي البصمه .. وصار .. المهم رجع وارتاح من مسؤولية ارجاع الاطفال من مدارسهم.. طبعاً انا مو مرتبه ولاعارفه من فين ابدا لكن عارفه ان معاناتي مو مادية ولا تعنيف جسدي .. الوضع عاطفي ومعنوي شيء جواتي افتقده بماتعنيه الكلمه ما احس بوجودي معه ودايم يقول مالي رغبه فيك واذا قلتله قول لي كلمه حلوه يقول تبغيني اكذب عليك!!! يجرحني بردوده وصدوده وهجرانه الغير مبرر .. انا مخلصة بكالوريوس وعندي دبلومين واحد اسري وواحد قانوني .. حملي الاخير حصل بالاجبار من طرفي طبعاً زوجي عنده فكرة ان العيال عقبه في حياته مايخلوه يسافر ويرجع براحته رغم ان سفرياته كثير لدرجة يسافر وانا ما اعرف انه مسافر الا ثاني يوم برساله .. اخذت حبوب عشان الحمل وجهاز التبويض وحصلت علاقه والحمدلله ثبت الحمل لكنه لم يرحب به ابدًا وعاد لوضعه طبعاً كل حمل يهجرني ابداً مايلمسني ولاحتى يقرب مني.. .. كجمال وامور متعلقه بالانثى بشهادة الكل حتى اهله الحمدلله في كل الامور ممتازه بس عنده لا.. صح حبيته بس احب نفسي وعيالي.. واذا ما ارتحت كيف بريحهم.. اصعب شي الانفصال العاطفي والهجران بوجود الطرفين في نفس المكان .. وربي اتركه على راحته ولا عمري فتشت وراه ولاعمري سألت وينك فيه او من وين جاي دايم مبتسمه ودايم احضنه واقوم فيه اول مايجي واستقبله واجي احضنه رغم انه يدفني واخر شي يقول انت حياتك كلها رومنسيه وحنان ودلع وقرف!!!! متى تصيرين حرمه!؟ مافهمت ش يعني متى اصير حرمه!؟ جلست مع نفسي فترة قال لي فيها روحي لاهلك حجزلي ذهاب فقط وماحجز اياب الا بعد اربع شهور وانا كل اسبوع اقول له احجز اشتقت لك يقول باقي ما اشتقت .. اقول له طيب افتقدتك وبيتي وهو يقول اصلا من سافرتي مادخلت البيت الا للنوم .. طبعا بالاخير مدارس العيال ع الابواب فاضطريت احجز قبل المدارس بيومين ما ابغاهم يغيبون اول اسبوع واللي صار انه ما استقبلني الين اتصلت عليه وقلتله لي ساعه بالمطار تعال خذنا قال راحت علي نومه كنت احسبه يمزح خاصةً انه توه داخل جمعية وماخذ قرض عشان بيسافر وراتبه توه نازل فتوقعت كان عامل لي مفاجأة .. والمفاجأة انه جاني بلبس النوم ورجعني البيت ونزلت انا الشنط وانا حامل لانه قال مالي خلق انزلها الحين .. المهم انا دخلت البيت وهو تروش ولبس وطلع بدون مايتكلم وشال الزباله ومو من عادته يشيلها طبعا انا رجعت ٧ البيت وهو طلع ومارجع الا ٥ الصبح ونام بالغرفه الثانية وانا مصدومه !!! لاسلام ولاكلام وكأني مو زوجته حتى كيفك ماقال والعيال قالوله كيفك بابا ومبسوطين اننا رجعنا عندك و و و بس قالهم ازعجتوني !!! المهم بعد ثلاث اسابيع من انه مايتكلم ولا كلمه ولايقول بالبيت ولا حرف استخرت فترة طويله وماحسيت بنفسي الا وانا اقول له طلقني تعبت .. بكل هدوء قال انقلعي وخلي ابوك يجي ياخذك ودق ع بابا وقال له تعال خذ بنتك وورقتها بتوصلها مو انا الي تذلني كلمة طلقني وجا ثالث يوم وجلس اسبوعين وزوجي ماتغير مايجلس في البيت حتى ماسلم على بابا.. ولا شي كذا بس ينام ويطلع ويرجع وينام .. بابا نزل الشنط لوحده وزوجي يتروش وتعطر وقلت للعيال بروح المستشفى تعبانه خليكم مع بابا الين ارجع يمكن اطول وودعتهم وطلعت .. الحين لي شهرين برا البيت ماكلمني ولاطلقني .. عمره ٤٣ سنه مو طفل .. ماما بصفه لان ماعمي شكيت من حالي ولاعمري تكلمت عنه بسوء دايم اقول هو مايقصر احنا بخير ومبسوطين الخ الخ .. واخواني زي ماما مع زوجي بصفه.. والحين انا ببيت لوحده مع جنيني وعلى وجه ولاده وهو ولا اهلي سألو عني .. بس بابا يجيني دايم ويسعدني ويساعدني .. وعيالي اي فرصه تجيهم عند امي ((ام زوجي)) يقولولها دقي على ماما وهي ماتقصر تدق علي ويكلموني وارجعيلنا ماما وتعالي او نجيك متى تولدي .. مايدرون .. وغير مدارسهم والبيت راحو نقلو بيت ثاني وغيرو المعلمه هذا اللي قالوه لي الغوالي حبيبيني .. عاد وضعي الحين جيد ومرتاحه نفسيا صح فاقده عيالي بس خليه يتحمل مسؤوليتهم .. طبعا ماما زعلانه مني وكلهم ارجعي عشان عيالك مو عايشين معي بالدوامه .. اساس الزواج يعفني واعفّه .. اكون له ويكون لي .. اهتم فيه ويهتم فيني .. تعاون ومشاركه وكثير امور .. بس لما تكون من طرف واحد والطرف الثاني مافي رد فعل ولما تسأليه ليه كذذا يقول محد طلب منك تسوي .. انتي غبية انا ش اسويلك!!! عني الكلام فيني كثير بعيداً عن المادة وتقصيره المادي .. بعيداً عن بخله بالوقت لي ولعيالي !!! انا ابغى زوجي الموجود باسمه وجسده البعيد بفعله .. ساعة اهتمام وشوية مراعاة للشعور وانك تحسسني بوجودي تغنيني وربي عن كل تقصير .. صعب تكون متسول مشاعر وتطلب مطالب ماتطلب ولو جاتك بالطلب تكون مقرفه لكن انك تحرم منها وبدون سبب او مبرر هنا تموت الف مره بعد ماتطلب هالمطالب..