زوجي يهتم بطليقته واتهمني بالعصبية لأني اعترضت

اخرجي معهم... واعملي حالك مبسوطة.. وحاولي تلاعبي اولاده وخليهم يحبوكي... وشوفي بعد هيك كيف حيكون الوضع لصالحك

أخي طلق زوجته وعنده منها بنت كبيرة وتزوج بأخرى  طليقته كانت تأتي وتزور عندهم يوم وتعد هي وزوجته الثانية الطعام ويتناولون الغداء معا ويسولفون وفي نهاية اليوم تذهب ، زوجته الجديدة لم تكن تغار منها ولا تعمل لها أي اعتبار آخر خارج حدود المعرفة ، يعني تعتبر انها واحدة يعرفونها وجاية تزورهم وانتهينا لاتعطيها أكثر من حجمها حتى لو زارتكم بالبيت اجلسي معها واستقبليها كأي ضيفة واشعريها انها ضيفة وكوني طبيعية ٠فهمي زوجك انك لاتريدي ان تفسدي فرحته بلقاء أطفاله وعليه ان يراعي مشاعر الغيرة عندك فلا يفعل أي شيء يستثير غيرتك لامانع من حضور الأولاد الى بيتكم احبيهم وقدمي لهم الحلويات واسمحي لهم باللعب ولا تصدري أوامرك لهم بأن يجلسوا مؤدبين ٠حافظي على هدوئك واذا خربوا شيء لاتنزعجي واطلبي من زوجك إصلاحه او تغييره بعد سفرهم ٠ولاتحملي هم المصاريف ، المصاري بتتعوض بس زوجك إذا طفش منك مارح يرجع زي أول 

زوجك ما زال يميل لطليقته و احتمال ارجاعها لذمته وارد بنسبه عاليه تصرفات زوجك و تصرفات طليقته تثير الريبه و الشك ... من حجز فندقي و غيره لا تتعصبي و حاولي الحفاظ على بيتك بهدوء فالانفعالات لا تنفع مع الرجال 

اعتقد غيرتك ما لها مبرر ..هذول أولاده و هو مسؤول عنهم بيكفي انو تاركهم 3 سنين و طبيعي انو أمهم تكون معهم يعني لما طلقها كانوا 4 سنين و سنتين و أكيد صعب عليهم فجأة يزوروا ابوهم اللي ما بعرفوا شكله. .نصيحة لا تعملي مشاكل و اتركي زوجك ينبسط بزيارة أولاده.

لا تكبري الموضوع وخلي زوجك فرحان وتعاملي بادب واحترام مع طليقته ولا تفسدي فرحة زوجك لانك راح تخسري انت

عندك حق وخليكي مصرة على موقفك .. مابتعرفي شو مخبيه وزوجك لو حكالها ادفعي انتي أجرة سفرك واقامتك انا غير مجبور بك لتغير الحال ولماذا لا تسافروا انتم وترون الاولاد وتحجزوا الاوتيل لكم . منها سفره ومنها يشوف اولاده وهبك مافي حجة لها . انا لو محلك اصر على موقفي .. ولو غلبتي انتي فقط اخرجي معها ومع الاولاد وروحي معهم وذايقيها بكل شي تعمله .

زوجك مره مره فري وديمقراطي أو مره مره أهبل ويستهبل يجيب زوجة السابقة للبيت عندك يستقبلها الله ايش هل اسلوب الميتفز هاد يطلع برا معها ومع بناته بطقاق لكن مافي جيه لعندك ع البيت اوعاكي وبعدين خدي موقف منه وقوليلو اذا كنت تفكر فيها ونفسك فيها لا مانع من اخلاء الساحة لك بدون تجريح لكلام

لا تردي عللي بحكيلك وين الثقة، عفوا اي ثقة؟؟ هو ليش بتشرط عليها لطليقته انها ما تشوف صاحبتها وليش بده يطلع معها لما يشوف الأولاد ؟؟ يمكن يكون في شيء بينهم يمكن حنلها اأو هي بتخطط لشي، يلي بحكيلك لو بده اياها ما كان طلقها بحب أحكيلكم انه معظم الرجال ما بتحلى بعينهم الوحدة غير بعد ما تبطل من نصيبهم، لا تقبلي تتركيهم على انفراد اخرجي معهم وأصري عموقفك ولا تسمحيله يخلي الحق عليكي مشان تراضيه انت من حقك تغضبي لأنه الموضوع مش عادي!! لا تخليه يقنعك انك غلطانة ولا تتأسفي ولا تراضيه

لو مكانك ما بسمحلو يروح لوحدو معون مبتعرفي طليقتو شو عم بتخطط

احمدي ربك بأن الأولاد معها ولو كان يريدها ما طلقها ولا تعوري قلبك وتشغلي بالك بموضوع منتهي ويشوفها وتجي بيتكم برأيي أنت زوجته وهي طليقته أم الأولاد اخزي الشيطان

كوني معه في كل مكان ولا تتركيه وحدهما وهذا من حقك

بسيطة كوني معاه في اي خروجة أو زيارة لأبنائه وطليقته .يعني ما تخليش له أي فرصة يكون مع بعض على انفراد

الأطفال هم عبارة عن مسمار جحا 
بالنسبة لهُ ولها
وها قد أصبح لديكِ منهُ طفلة 
وليتنافس المتنافسون
وبما أنكِ واضعة العلم الألماني 
فربما أصرّت على القدوم معهم لتطلب لجوء لها ولأولادها
على كل الحالات 
العناد ما بيجيب غير العناد 
فتعاملي مع الأمر بسلاسة ولا تكونِ هستريائية هكذا
بالصبر يلين الحديد 
على الأقل بتكونِ نسيتِ الموضوع كله

دعيه على راحته يريد ان يرى اطفاله ولا في قوة بالكون تمنعه من شوفة اطفاله ان مع طليقته او اي حدا ثاني..
لا تتعبي حالك بالغيرة او التصدي له ..
وبما انه طليقته و(اطفاله) انتبهي عم قول اطفاله بين قوسين  جاية لبلد غريب فشي طبيعي يحجز بالفندق او شقة كي لا تشقى اطفاله واحمدي ربك ماقال لك ينزلو عندك ببيتك..
حاولي تضغطي على حالك ولا تفتحي عينه لشي ثاني وعن طليقته اقصد..
وياستي حتى لو فكر بطليقته عادي لانه اللي بتاخد مطلق خصوصا عنده اطفال لازم تتوقع كل الاحتمالات ..فكري بالاحتمالات الجاية وشوفي ايش بيناسبك إن صارت..

الصراحة انا مكانك لن اتنازل عن حقي كامرأة ذات غيرة طبيعية فهو الان زوجي انا ملكي انا كرامتي من كرامته ولست انتيكا محطوطةعلى الرف نتناقش ونتحاور ونصل إلى حل يرضي الجميع أولاده على عيني وراسي لكن طليقته خط احمر عريض جدا جدا الا اذا حن إليها وتوسمت أن حبه قد خالطه واشتاق إليها هنا سأنسحب لان مكاني لم يعد مكاني

أكيد لسى بحبها. إنت خليكي هادية وبلاش العصيبة والتهور وامشي معه للنهاية وتحملي زيارتها واستقبليها استقبال الصديقات لأني متأكدة أنك ستصبحين الزوجة الثانية وسوف يعود زوجك لأم أولاده. لاتزعلي هو أولى ب أم أولاده حتى لايعيشوا مع زوجة أب تقتلها الغيرة والقهر كلما رأتهم فهم يذكرونها ب أمهم. أنت تزوجتي من مطلق وعنده أولاد وأغلب الأزواج يحنون إلى زوجتهم الأولى خاصة عند وجود أطفال. تقبلي وضعك مع ضرتك وما المانع تكوني صديقة لها. وما أحلى أن نعيش في أمن وأمان.

بيتك مملكتك الخاصه... ما بحق له يجيب طليقته ام اولاده ع بيتك... ولا يحق له الخروج معاها برفقة اولادهم... خير ان شاء الله... مطلقها وما خفت ع مشاعر اولادك... وهسه بدك تطلع مع طليقتك علشان خايف ع احساس الاولاد لا تقلق زوجتك الجديده حتكون حنونه رحيمه معاهم انت واياها والاولاد.... بس مش وضع سليم تجتمعوو مع بعض انت وطليقتك... والاولاد طبعا فاهمين انو ابوهم انفصل عن امهم... الك زوجتك الحاليه تكون معهم رائعه حنونه... خلال زيارتهم لمكان استقراركم اما طليقتك... هي دبر امرها... ولا الك تتحكم فيها... ولا تحجز لها سكن... هي تدبر حالها... كل شي ع النت موجود

اسمعى من الاخر موقفك هذا يثبت عدم ثقتك بنفسك جمدى قلبك اوووى ولاتقولى شئ غير ال يرضيك اعملة يازوجى الحبيب واعزميهم ببيتك هذا افضل بكثير من خلوتة بيها وخليكى بشوشة لوكان فيها خير ما كان طلقها وتزوجك ولكن مع الاسف كل بنات حواء ناقصات عقل ودين .

زوجك فعل كل هذا من اجل اولاده . فلاتذهبي بتفكيرك بعيدا . وتظنين ان الحب القديم استيقظ . فنحن مطالبين بحسن الظن في نوايا الناس. حتي يثبت دليل ملموس وبعدها افعلي ماتشائين