زوجي بخيل في بيته كريم على غيره

زوجي بخيل في بيته كريم على غيره فزوجي وضعه المالي ممتاز عنده شركه صغيره لتصدير الخضار والفواكه علاقتنا كويسه هو اكبر مني بثلاث سنوات ومو هنا المشكلة، مشكلتي الاساسيه الي اكتشفتها بعد الزواج انه بخيل جداً!

فتره الخطوبه استمرت ثلاثه شهور وانا واهلي ماكنا نعرفه، صديقة امي هي الي عرفته علينا وتقدم لي عن طريقها، وطول فتره الخطوبه وهو كريم معنا دايم يجيب لي هدايا وعزايم لاهلي ، يعني ماعليه قاصر ومرتاحبعد الزواج انصدمت فيه واكتشفت انه بخيل جداً في بيته بس كريم على الناس!

يقصر علينا بالبيت لدرجه يقول لي لاترمين اي شيء مايحتاجه البيت ومايعطيني فلوس اشتري احتياجاتي ودايم عذره انتي حلوه مايحتاج مكياج واغراض!

أحس ان زوجي يعاني من ازدواجية في شخصيته وحاولت اكثر من مرة اتكلم معه واعرف وش السبب وليه هو بخيل في بيته وكريم برا البيت ويرفض يجاوبني ودايم يقول انه تعود على هالشيء ومالي دخل فيه!

كيف ممكن افسر سلوكه هذا وكيف ممكن اتعامل معه؟ ماابي اخرب بيتي وعائلتي لكن هالمشكله صايره تأثر علينا بشكل كبير وابي القى لها حل