فضحت أسرار بيتي وكان مصيري الطلاق

تزوجت جديد من ٣ شهور و كالعادة اي متزوجين جديد بصير بينهم مشاكل و انا مشكلتي اني كنت احكي كل مشاكلي لأمي وخواتي وصاحباتي يعني بالعربي ما حفظت سر بيتي مزبوط و هاد كان اكبر سبب للمشاكل بينا انا و زوجي لدرجة اني شوهت صورة زوجي قدام اهلي و صاروا يكرهوه واخر مشكلة صارت انا طلبت الطلاق منه و هو ما كان بده يطلقني بس اخوي اتدخل بالموضوع و أجبره عالطلاق و طلقني و انا هسا قاعدة عن اهلي بالعدة و زوجي بده يرجعني بس اهلي رافضين واخوي رافض بشدة قوية وانا هسا كتير ندمانة عاللي عملته بزوجي لأني ما كنت فاهمة شو يعني علاقة زوجية و بيت واسرار البيوت وامي للأسف مش من الامهات اللي بتعرف تصلح بين الازواج و ابوي سلبي بالحياة و تاركين المسؤولية كلها لأخوي الكبير لأنه هو المعيل الوحيد لأهلي وانا هسا بدي ارجع لزوجي شو اعمل كيف اقنعهم مع العلم انه انا حكيتلهم انه انا اللي غلطت بحق زوجي و خراب بيتي ومع هيك مش مقتنعين لأنهم خلص بكرهوه و ما بدهم اياه وانا السبب زي ما حكيت. لاقولي حل