عشت في إهمال من طرف والدي

السلام عليكم،انا فتاة 22عام رغم سني الصغير الا انا معانتي بدأت من سن المراهقة....عشت في اهمال من طرف والدي من جانب المراعات و الاهتمام و الحب و الحنان قاسيت في ذلك الوضع،ونفستي تضعف يوم وراء يوم،تخيل تعيش مع يماك و بباك في الوقت لي لازم يكونوا اقرب ناس ليك كنت بالنسبة ليهم انا عدوتهم و كان من بين الاسباب اني منقدرش نقتع الرحم مهما كانت الخلافات و النزاعات في العائلة،ايضا كنت حاب نعيش حياتي مصداقا للقول اتركوني اعتقد ان كل الناس تحبني......كنت كاما اقتربت بعدوا امي تقسى عليا بكلام جارح و بابا تانيت....استمر هذا الوضع و كان بالنسبة اليا امر عجيب اتسال ما الذي فعلته اي ذنب ارتكبت لاستحق كل هذا !! رحت لطبيب نفسي نصحني بش ننسى كل شي ونبدا حيات جديدة ......الا ان الفراغ العاطفي قتلني ........في سن 16تعرفت على واحد كيكبرني في السن ب 12 كان بالنسبة ليا الام الاب الاخ....و هو كان جدي معيا وكان يعوضني على الحنان لي معرفتوش معا ولديا...مرو 4سنين وفي هذاك الوقت جابت الباك و في السنة لحق لدارنا خبار بلي انا نمشي معاه و دارنا دارولي ضغوطات كبيرة حابوا يجي يختبني بصح مكوناش مستعدين انا قلت مزلني صغيرة بصح هو حب يهدر مع بابا رفضت كنت خايفة ...تمر الايام وانا كرهت مخلونيش ميمبا نفرح بالباك لديت يهدروا لي غير على الزواج و زيد محبوش ندي هذاك لي نحب رفدوه بلاما يعرفوه و كانوا يهدرولي غير على ليميقري كرهتتتتت وسمحت في لي كان نحبو و خليت والدي يتصرفوا كيما يحبوا في حياتي،في واحد النهار رحنا للعرس وكان وحد تماك هدر معايا وكي ولينا للدار على يومين عيطلي وقالي نوي يخطب بصح لازم نشوفو قبل ما يجي للدار وافقت كي شفتو قالي بلي مطلق و عندو زوج ولاد قبلت بلاما نفكر كيما انتحرت بطريقة اخرى ....وقلت لوالديا ستنيت يقولولي لا لا يحسوني بالقيمة تاعي بصح وافقوا بلاما يتردوا جا خطبني وعاشرتو هو انسان طيب بصح عمري ما لقيت السعادة معاه لقيت روحي ام لزوج ولاد قبال من الوقت واحلام مختلفة كتير عن احلامي و كان حبي الاول ديما في قلبي....نعيش و نسيف روحي باه نقبل هذاك الوضع و كنت نحشم نحكي مع الناس هو يعيش في فرنسا يادرا واش يخموا عليا .......مر عام و كنت نروح لدارهم كنت نربي لو ولادو و نقعد معاهم نحبهم و يحبوني بصح عمري ما نويت نكمل حياتي بهذا الشكل ....هدرت معا دارنا قلتلهم نحبس محبوش داروا حال كل ما نحكيلهم واش لي راني نعاني يقولولي كي تروحي افرنسا كل شئ يتحل ،دارنا العقد بعد 3 سنوات وكانت حياتي اشبه بسجن .....حتى واحد النهار قبل العرس ب شهرين عيطلي هذاك الاول وحكيت معاه مقدرتش نمسك روحي لقيت كل شي كيما كان نفس الا حاسيس ندمنا بزاف كي تفارقنا بعد شهر عاودت حساباتي انوليت الزواج و قلت هذيك ماشي حياتي ووالديا ولاو كتر من قبل ولاو يتعاملوا معايا بقسوة ميهدروش معايا والو داروا كيما تبراو مني وانا حاب ندير الخلع ونكمل حياتي و هو حسبني خداعة و ولادو يحاسبني كيما انا لي تخليت عنهم محاسبش ماماهم لي تخلات عليهم وبدات حياتها من جديد وولديا تانيت يقولولي نفس الشئ وانا فهمتهم بلي ماشي حياتي هذيك ......وزيد حباست قرايتي وانا في التانية جامعي ،انصحونيييييييي ........