لما وجدت أمي لم أطيق العيش معها!

مشكلتي اني كنت عايشة مع اهل ابي وماكنت اعرف عن امي شي ويوم كبرت عرفت ان عندي ام واخوان بس ما شفتهم لين الثانوية كلمت امي بالتلفون وماشفتها غير وانا بالجامعة شفتها شهر واحد ومو كثير حتى .... بعدها شفت اخواني.... الان انا قررت اعيش مع امي واخواني بسبب ظروف حصلت ... وصارلي سنة عايشة مع امي.... وومو طايقة العيشة ... امي تحب المشاكل ولازم كل يوم تسويلك مشكلة من العدم ... تحب الاستفزاز ..... وتنقزك ع كل شي.!. مااحس في تواصل بينا لاتفهمني ولا افهمها وكل مااقرب منها تبتعد وتبعدني.... مو حاسة بحنان الام ولا عطفها ...تعاملها مع اخواني غير ... مرات احس اني مو بنتها ... تصرفاتها غريبة توصل لدرجة انها ممكن تقول لاخواني كلام مستفز جدا كأنها تحب تخرب علاقتنا .... لدرجة مرة كان اخي جمبي ويدافع عني من كلامها تقوله هذي اختك اللي بتلاقي عليها اجر تقصد اختي الثانية ..... طبعا كلهم اخواني من ام .... تعبت معاها والله ....