حماتي طيبة لكنها تعاملني بسذاجة

مشكلتي مع حماتي هي طيبة جدا وكويسة جدا معي لكن مرات إحس انها تعاملني بسذاجة يعني مثل كأني بنت صغيرة تخليني اعيد الكلام وراها والشي ازعجني يعني مثلا مرة قلت لها انا محظوظة جدا انو انتي حماتي قالت وهي محظوظة فيي كمان وكان عيد واجو الناس زارونا اقاربها فتقول ادامهم قولي لهم ليه انتي محظوظة جدا يعني بهالاسلوب انه نحن رحنا مكان فلاني قولي وين رحنا او صار شي قولي وما اشتريت شي معين بالعيد كان عاجبني تقول القصة وتخليني اقول ايه ما اشتريت وهيك يعني ما اطول عليكم واتمنى تكون وصلت الفكرة بالامثلة طبعا باسلوب بسيط وساذج وطيب مو بخبث او لؤم ما عندها خبث ابدا وهي طيبة جدا واحبها واقدرها بس والله هالشي مضايقني انا ما عملت مشكلة بس قلت لزوجي بس هالاسلوب مزعجني وقلت لزوجي مرات يقول لا تكوني كنة مو كويسة ومرات يقول معك حقك فهذي وبقولها وانا مو حابة يقولها ويصير مشاكل لاني ما احب المشاكل لكن شو ممكن اعمل بس تحطني بهالموقف وبتنصحوني زوجي يحكي معها ولا ما يحكي لاني والله مو حابة تزعل مني وحتى مرات بقول معقول انا مكبرتها وهالشي عادي منها ومو حابة اني حتى شيل عقلبي منها من قد ما هي كويسة لولا هذا الشي يلي مضايقني ومعكر علي صفوي مع حماتي. والحمدلله بشكر ربي عنعمة انه حماتي كويسة وبحس مرات اني بكفر بهالنعمة لما بتضايق من هي الامور مع انها صغيرة وبشكو لزوجي بس انا فعلا بتضايق حدا يحرجني امام الناس بهالطريقة انه اعيد واكرر كلامها وان كان عن طيب خاطر ساعدوني برأيكم.