حماتي شوهت صورتي في عين زوجي

انا متزوجه عمري ٢٥ وعندي طفل اتزوجت زواج تقليدي بس حبينا بعض جدا عشت معاه اول سبع شهور ف جنه كان بجد ملاك ولا انكر ذلك ونزلت اولد وبعد ما ولدت عمل لمامته زياره ومن هنا وانا حسيت انه اتغير معايا وبدات المشاكل ووصلت لبهدلتي واهانتي من وراه وادامه تعمل انها زي امي وبقت تحكيله حاجات من ورايا بالكدب بهدلتني اخر بهدله وهو اتغير معايا بقي سئ جدا بيتعامل كاني حيوانه مفيش كلمه طيبه مع اني والله العظيم مش مقصره ف اي شئ وبعمل كل جهدي عشان اسعده ولما بطلب منه الاهتمام بيقولي انتي نكديه غصب عني بعيط يقولي انتي عايزه تعملي مشكله انا اختصرت كتير بس بهدلني اوي حتي حقي الشرعي بيقولي ما تستحقيش امه قعدت معايا ف الشقه سنه حياتي ما كانش فيها اي خصوصيه كانت تبهدلني ادامه يقولي امي عمري ما ازعلها ويخليني ف الاخر انا اللي غلطانه وعايز يجبها تاني زياره اعمل ايه انا مش قادره اعيش معاها تاني وو سئ قبل ما تيجي ولما تيجي بيستقوي اكتر انا شخصيتي ضعيفه اوي ادامه حاولت معاه بكل الطرق لكن الحنيه والرحمه اتنزعت من قلبه ميعرفش من الدين غير امه وانا كاني خدامه مهما اعمل ما بتشكرش ولا بيقدر بالعكس ده بيقلل من اي شئ اعمله انا ما بسمعش منه كلمه حلوه مع اني الحمدلله جميله ومهتمه بنفسي ورومانسيه جدا معاه بس هو كانه حجر بدات اشك ف نفسي واني مش عجباه لكن ده كان بيقول عليا ملاك وهي منها لله شوهت صورتي ف عينه ارجوكم ساعدوني انا تعبانه اوي حياتي جحيم وف غربه مليش حد ولا اهل حتي اروح عندهم