أمي وأخوالي غير موافقين عليه، ما العمل؟

يسعد مساكم أنا عمري 23 سنه ... حبيت شخص بعمر ال16 ... يعني تقريباً وعيت ع حبو إلي ... كان سندي وملجأي وكل الأشياء الحلوه بحياتي ... للأسف بابا توفى وأنا صغيره ... وماما كانت تشتغل وما كنت اشوفها ... وكان هو اللي مهّوّن علي كل هاد ... شجعني أكمل تعليمي وما أتراجع بدراستي ... كان يعاقبني لما يشوف علاماتي ناقصه ... ويعطيني مكافأه لما أجيب علامه منيحه ... يعني كان إلي بمثابة الأب والأم وكل إشي ... بس هو مو مكمل تعليمو ... وقبل أكم شهر اجى وتقدملي مشان يثبتلي انو كان صادق معي من اللحظه الأولى ... بس لقى الرفض ... يعني انا وياه شو ذنبنا ازا وضعو المادي ما سمحلو يكمل تعليم بالجامعه ... مع انو نجح بمجال تاني وهلأ وضعو ممتاز ... مع هيك امي وخوالي غير موافقين عليه ... انا مو عارفه شو اعمل وحاسه حالي مربطه .. وهو ما زال واقف معي لهاي اللحظه وبحاول يرجع يطلبني ... ساعدوني شو ممكن أعمل بهاي الحاله حتى ماما توافق ... والله انا بدونو بحس بالعجز!!!