بعد وفاة حماتي بدأت المشاكل

السلام عليكم انا متزوجه من اربع سنين وعندي طفلين والحمدالله مرتاحه مع زوجي وما في اي مشكله بينا بس المشكله بأخوات زوجي وانا لما اتزوجت سكنت ببيت عمي الي كان موجود فيه ام واخو واخت جوزي وبعدين اتزوجت اختو وبعدها بشهر توفت حماتي الله يرحمها والمشكله بلشت عند وفاة حماتي صارو خواته همه ثلاثه ومتزوجات كل يوم بيجو عبيتنا وعادي ما كنت ازعل بس هلا هنه صار عندهم اطفال وكل وحده عندها اثنين وانا اثنين وبس يجتمعو بدمرو البيت ومزعجين كثير وما بتحركو يشتغلن وراهم وعلى هل حاله بيجو يوما او يوم بعد يوم وانا ما بعرف اطلع من البيت ومرات يكون عندي زياره عند قرايبي ما اعرف اطلع واذا حدا اجا علي من اهلي بكونو موجودين واذا طلعت من البيت وبرجع بلقيهن كاينين عنا ومروحين وبلاقي المطبخ بغرفه المعيشه وغرفه المعيشه بالمطبخ والمشكله العظمه صارو يجو ينامو بالسبوع مره وانا احكي مش مشكله بنهايه خوات زوجي ما بدي اعمل مشكله مع زوجي بس هلا كثير زودوها جوزي طبيعت شغله بغيب يوم او يومين او اكثر والوحده بتحب بس يجي جوزها من الشغله تستقبله بأكله وبلبسه حلوه ما بتلبس غير لزوجها وبيجي تعبان وحاب يريح بس هدول ما عندهن زوء بودعنه معي وبستقبلنه معي وهلا انا كثييير مدايقه منهم اسف ع طول السيره بس حاب تعطوني رأيكو حقي اتضايق ولا شو اعمل