طردوني من بيتي الذي تعبت عليه

في الخطوبة اهل زوجي اعطونا غرفتين واحنا كملنا البناء على حسابنا الخاص ليكون منزلا مستقلا وصرفنا مال كتير وضحينا كتير ,,وشهدو امام الله ان ذلك بيتنا ( لكن ليس على الورق) ,,,لمدة 6 سنين عشت ضغط متواصل... هذكر شوية امثلة = حمايا كل رمضان يتعمد قطع الماء على منزلي قبل الاذان بساعه بتعلة انه يسقي زرع الحديقه ,,حماتي تترصد غيابي عن البيت لتهتك ستري وحرمتي وتدخل الى منزلي طيلة هذه السنوات حتى فيه شهود ,, كان فيه باب تركوه بمنزلي يفتح على بيتهم تركوه بالغصب وصارو كلما يجيلهم ضيف تدق بابي وتمرر ضيوفها من منزلي كاملا الى فرندتي وتحرجني بان اقعد معاهم واحسن ضيافتهم وانا مرات بكون مشغوله او معنديش شي يتاكل او بيتي في حالة فوضى او مش لابسه شي لائق رغم انها تقدر تروح للفرنده بتعتي بمجرد ان تفتح باب مطبخها هيا او تذهب الى فرندتها هيا ,,, انا عروسة يومين دقت الباب الصبح وجابت ضيوف يشوفو بيتي وانا لا مستعده ولا عندي خبر ,,قبل الفرح مفيش صغير ولا كبير ,,لا قريب ولا جار ولا بعيد ,,,الا وفتحت ليه منزلي وخلاتو يتفرج على جهازي ودولابي وخصوصياتي ولم تمنحني حق اني انا اللي استقبل الناس لما يجي السبوع ,,,مره دقينا مسمار ورا الباب عشان نعلق الهدوم جات حماتي وزوجها وبهدلونا دعاء شر وطلب ان لو محتاج تحط مسمار تندهلو هو يعملو لحسن الباب يبوز رغم ان زوجي مهندس مش غشيم والمسمار مش محتاج شهاده علميه,,,لو مش بفتح الباب عشان بصلي او في الحمام بتزعق وتدعي عليا بالشر والطرش ,, بيتي شبع عين وحسد حتى انعكس ده على علاقتي مع زوجي و عشنا حالة من الربط وصلت الى عدم مقدرة زوجي معاشرتي ل3 سنوات والله على ما اقول شهيد ,,, انا لو فضلت احكي يوم بحاله مش هيكفي اقول الشر اللي عملوه ,,,اخر مره دخلو بيتي في غيابنا غيرو فيه حجات فانا طلبت من زوجي يتكلم فهو رفض كالعاده ,,فاض بيا الكاس رحتلهم وقلت لحماتي بتعملي كده ليه ده تتبع عورات المسلم وهتك ستره ودخول بيته دون علمه من الكبائر اتقو ربنا ده ربنا بيقول "لا من ولا أذى" يعني لا تمنن ولا تؤذي حد اديتو حاجه فهيا قالت ان ده بيتها هيا و الي معجبوش الباب يفوت جمل,,,زوجي مش قادر يوقفهم عند حدهم لانو متعلق بيهم جدا ويخاف على رضاهم,,مكنتش اقدر اسيب البيت لان ضروفنا مش بتسمح ,,دلوقتي سبنا البيت واجرنا بيت تاني ,,ابوه قالو مراتك معدتش تحط رجلها هنا وانه كان بيقطع الماء عن بيتي عشان يقرفني في العيشه واهج من البيت فهو يرجع ياخدو ,,, وزوجي زي الاهبل مش فاهم ان ابوه لما يعمل كده في مرات ابنه يعني قاصدو هو كمان,,,السؤال,,,هما طردوني وخسروني في بيتي اللي ضحيت عليه كتير ماديا ومعنويا وانا كرهتهم ,,زوجي عاوزني اروح اعتذر واعيد المياه لمجاريها ,,عن ايه اعتذر مش عارفه لاني وكتاب الله معملت حاجه وده بشاهدة الجميع ,,بس هو عاوز ارجع نجتمع معاهم ونعزمهم في البيت الجديد ويعزمونا (في بيتي القديم الي معدش بيتي وكله ذكرياتي) ونسهر ونضحك لان ميصحش يروح يزورهم لوحده ولا يصح هما يجوني يعتذرو عشان "تاخذهم العزة بالاثم" ,,,انا زوجي يهدد يطلقني لانو بيقول انو ميقدرش يزور اهله لوحدو واني اقاطعهم رغم ان هما الي قطعوني وقطعو قلبي,,,حتى لو سامحتهم هيفضلو في المستقبل يؤذوني بخبثهم –اعمل ايه؟ اتمنى محدش يلومني لاني مغلوبه على امري ومش بايدي اعمل حاجه واشهد الله ان كل اللي قلته حصل بدون مبالغه ولا زيادة