بعد حب الطفوله يريد أن يحضر لي ضرة

بعد حب الطفوله يريد ان يحضر لي ضره السلام عليكم مشكلتي بدأت من ايام الملكه كنا نحب بعض من ايام الطفوله ولكن واجهنا بعض المشاكل اللتي نفرتنا عن بعض منها انه في ايام الملكه كان كثيرالاتصال بي وكنت غالباً ارد واكلمه ووبعض الاوقات اكون مشغوله عند الاهل او مقدر اكلمه اخليه بعدها اكلمه او اوراسله هو كان يتضايق من هالحركه ويزعل انا في هذيك الفتره كنت بالجامعه وكنت انشغل شوي عنه بالدروس والمذاكره حتى مرره ماقدرت ادخل الاختبار لان حصل بيننا زعل ماقدرت اذاكر فما دخلت الاختبار وكذا كنا نتزاعل ونتسامح وطولت فترة ملكتنا سنه ونص تقريبا واحنا على هالموال بس كنا نحب بعضنا واذا تقابلنا ماكأن حصل بيننا زعل وبعد الزواج زادت المشاكل بيننا انا كان عمري 22لماتزوجت وزوجي اكبر مني بسنه زوجي منعني اكمل دراستي يقول ابغاك تهتمي فيني وبس وانا كنت مصره بس بعدين تنازلت وبعدها كان بعض الشغلات الخاصه مو حابها فيني راح كلم اخته بالموضوع انها توصلي الكلام بحكم انه مايبي يجرحني او صعب عليه كلمتني اخته انا انصدمت وزعلت وسكتت وفي كل شي يقول امه واخته عن اي شي يصير سواء في بيتنا او داخل غرفة النوم بدون تفصيل زايد يعني اذا مااعجبته في شي يروح يقول لاخته انا خلاص زعلت عليه وكلمته قلت له قولي واذا ماتقدر اكتبها لي في ورقه قال طيب وزادت المشاكل بيننا واكتشفت بالصدفه انه يكلم بنات ولقيت اوراق في جيبه وهدايا في سيارته في بعضها واجهته فيها ويعصب وينكر وبعضها سكتت عشان تمشي الحياه انا ماعمري اشتكيت منه ولا فضحته قدام اهلي واهله بس كنت اكلم اخته انه شوفي اخوك مو انا اللي بس فيني عيوب او قلة خبره في الحياة الزوجيه ومشت الحياه صار ينام خارج غرفة النوم ويجيني متى ماابغى او اذا يبغاني احمل انا كنت انقهر واسكت ومرات اقوله ليش تنام برا تعال نام معنا وعدت فترة الحمل وبعدها فترة الارضاع سنتين وبعد السنتين بشهور قال نبغى طفل قلت اوكي مع اني ماكان ودي بس ماابيه يدور وحده ثانيه وحملت وصبرت ورضعت طفلتي سنه ونصف بعدها جاني خبر ان زوجي خطبه امرأه من نفس قبيلته انا بكيت وانحرق قلبي وزعلت حتى رحت بكيت بجنون بحضنه وهو يهديني وطلبته يوديني لاهلي ورفض وللعلم كان اغلب الاحيان يرفض اروح لاهلي ويتحجج وهو دائم السفر وماكان ياخذنا معه يحطني ببيت اهله ويروح ومصروف نادراً مايعطيني الا اذا راح معنا هو للسوق انا تعبت الحين انا ببيتي مدري كيف اتعامل معه وهو راح خطب من وراي مرره اجيه وابكي عنده وانام معه ومرره اكون قويه ومااعطيه وجه وسألته عن سبب خطبته قالي. احنا مومتفاهمين من بداية حياتنا وانتي مقصره في الفراش انا اتجهزله واتجمله سواء في البيت او في غرفة النوم واغلب الاحيان انا اللي ابادر في الرغبه هو نادراً وبقول شغله انو شفت عنده حبوب فياغرا رغم انه توه بيدخل الثلاثين وبعض الاحيان لمايجامعني يطول او ماينزل احترت والله وكيف اقدر ارجعه لي واخليه يبطل يتزوج هل السبب مني ارشدوني