كنت إنسانة قبل الزواج أما بعد الزواج أصبحت

السلام عليكم مدري كيف أبدا باللي احس فيه برجع ورا شوي قبل ٣ سنوات تقريبا يعني قبل زواجي بالضبط كانت أخلاقي جداً جميله كنت إنسانه مرحة كنت أتقبل المزح أيا كان وامزح كثير كنت إنسانه يضرب فيها المثل في الأخلاق وزينه النفس تزوجت لكن ماحسيت ب اي تغير في نفسي لآني جالسه اتعايش في حالتي اللي امر فيها والحين أيقنت اني متغيره ١٨٠ درجة اخلاقي ماعد هي أخلاقي اللي كانت صرت اعصب كثير صرت ماحب احد يتكلم بمزح معاي بسرعه أزعل كثير احيان ودي ابكي لين اشبع بكا كثير احيان ودي أسافر بروحي اروح اي مكان بروحي ابعد عن الناس اللي اعرفهم اجلس لوحدي أخذ فتره نقاهة كذا احس اني محتاجة لهالشي صرت ماحب جمعات الحريم ولا أحب اروح لهم حتى الزواجات ماعد اروح لها يعني صرت افضل العزله، وزني احس زاد عن اول كثير،، امي وإخواني يقولون متغيره كثير عن قبل الحين بس تعصبين بس تهاوشين صديقاتي قطعت علاقتي معاهم نهائيا، ماعد صرت أتحمل شي، ايش السبب بعرف رغم والله ان زوجي طيب لكن البيت اللي عايشه فيه فيه ضغوطات لان مع أهله ودائم مشاكل بينهم هل هذا الشي اثر فيني، وصرت أخذ من شخصياتهم وتعاملهم، هل عدم الإنجاب والتفكير والتشوق للأطفال يغير النفسية، هل حبوب وابر المنشطات تغير النفسيه، هل الزواج يغير، هل أخلاق وتعامل الناس اللي انا عندهم يغير النفسيه، ابغى اعرف ليش صرت كذا وش العله عله نفسيه ولا حسد ولا ايش ؟؟! شكرًا