زوجي لا يعطيني مجال للنقاش

زوجی خلقه ضيق جداا ومابيحبش الكلام الكتير وبيتخانق علی اقل حاجه. لما تحصل ما بيننا مشكله مابيحبش يتكلم فيها عاوز اللی زعل يرجع يتكلم كان مفيش حاجه حصلت وده مابيريحنيش حتی وقت الخناقه بيقول اللی فی نفسه ولما اجی ارد يقوللی خلاص خلصنا اكتمی اقفلی بوقك وهكذا ولو رضی يتكلم معايا يقولی خلاص اجلی الكلام بعدين ومايرضاش يدينی معاد للكلام ولو جيت بعدها اتكلم معاه يقولی انتی مابتتعبيش من الكلام . المشكله التانيه انه لو اتنرفز او عملت موقف ضايقه بيهيننی وممكن يشتمنی وشايف انی لو ابديت ای رد فعل غير انی اسمع تهزيقی بودنی واسكت يبقی انا مش بحترمه ولو اتبعت معاه ای اسلوب من اللی بيتبعهم معايا يقولی متحطيش راسك براسی ودلوقتی حياتنا اتحولت لوضع سئ جدا وهو فی الخناقات بيقعد يغلط فيا ويقوللی لولا العيال كنت طلقتك وانتی اصلا ماتلزمينيش وانتی اصلا مش ست فی نظری وانتی متهمينيش ولا تفرقی معايا وده كلام بيوجع جداا ووصلنی فمره انی قولتله طالما انا كل ده طلقنی وانا عمری ما كنت احب اقول حاجه زی دی قاللی عادی بس سيبی العيال يعنی اصبح كل اللی رابطه بيا هما العيال واحنا كان ما بيننا قصه حب قويه جدااا انا حاسه حياتی بتتدمر ومش عارفه احل الوضع ده اتصرف ازای ارجو النصيحه