هل أخبر أهلها وأتحمل العواقب كي أنقذها؟

السلام عليكم ، المشكلة انه اخت زوجي عمرها عشرين سنة كان لديها علاقات كثيرة مع شباب وكانت تنتهي كل علاقة الين ما تطور الموضوع وتعرفت على شاب عمره ٢٨ سنة ( مع العلم هي كانت على علاقة مع اخوه الأصغر سنا ) هذا الشاب يشرب الخمر ومتعاطي مخدرات وهي تطلع معاه وتكلمه دوم بالتلفون وطلب منها انه يسوون اشياء وسخة وعلى حسب قولها انها ترفض وقالت لي مرة انها طلعت معاه وهو سكران وحاول يسوي فيها شي وهي نزلت من السيارة وقالت لي بعد انها راحت معاه مرتين لفندق بس على حسب قولها انهم ما سوو شي ، المصيبة هذا الشاب صديق اخوها الكبير وانه أوهمها بالزواج وهي مصدقة انه يحبها ويبي يتزوجها ، ياما تكلمت معاها ونصحتها ولكن لا حياة لمن تنادي وياما ذكرتها بسمعة ابوها الشريفة وإخوانها وقلت لها حرام بس ما ترد وانا محتارة ايش أسوي ان سكت اخاف يتطور الموضوع وتصير مصيبة فيها وان تكلمت اَهلها ما يتعاملون الا بالضرب والحرمان من غير ما يفهمونها الصح والغلط وماريد انه اطلع انا فتانة ( أني افتن عليها ) وانا تعبت من كثر ما نصحتها وخوفتها انه لو دروا اهلك بيموتنك ، بس هي خبيثة وكذابة من الدرجة الاولى ساعدوني كيف اقدر اخليها تقتنع انه غلط اللي تسويه وما يجوز من الله ، مع العلم اَهلها شديدين رقابة عليها بس هي تروح الجامعة وتشرد او تقول رايحة بيت فلانة ويوصلونها اَهلها وتشرد بعدين عشان تطلع معاه .