كيف اتعامل مع الزوج البارد والمهمل

كيف اتعامل مع الزوج البارد والمهمل فأنا متزوجة من ٣ سنين وكم شهر يعني ٣ سنين وشهرين عندي بنت عمرها سنتين تقربيا زوجي اكبر مني ب ١١ سنة أخذته عن حب وحبينا بعض وتتزوجنا زوجي طبيعة شغله من الساعة ٧ ونص الصبح الساعة ٥ أو ٦ حسب يعني هو مهندس اجهزة طبيبة وأنا كمان مهندسة عمارة عمري ٢٦ سنة وعمره ٣٧ سنة أنا كنت بصميم عندهم بالمستشفى إلا هو حبني واتزوجنا يعني حب شهرين خطبة ٦ شهور وبعدها على طول تم العرس وكنت سعيدة هو شخصيته عملي كتير يعني مو رومنسي أبدا أنا عايشة حياتي بروح على النادي بروح على اهلي بروح عند صحباتي بيمسك بنتي وبروح مثلا إذا عندي زيارات مثلا زيارات مره وحدة كل شهرين وطبعا كل زياراتي نادي اهلي بنتي معي عرفتو علي

أنا بدرس ماستر وعشان اجتني بنت تركت الشغل وقلت برجع بس تصير بنتي اكبر بشوي المهم حياتنا عبارة عن روتين قتل هو بيرجع من شغله بياكل يلعب بنتي وبنام هيك أيام الويكند بيكون مثلا يوم الخميس ما نطلع بالبيت منسهر سوًا الجمعة طلبات البيت ونتطلع تلعب بنتي وبس روتين حياتي بحت هو بنام الساعة ١٠ بالليل احيانا وأحيانا إذا رجع من شغله نام ساعة بنام الساعة وحدة بالليل حياتنا كتير ملللل وروتين هو شخص منيح بس هو كتير عملي مافي كلام رومنسي بينننا أبدا أبدا ولا اهتمام ما بيفرق معاه شو ما عملت بعمل اللي بدي ياها ما بيحكيلي لا على شي قصدي طلعات رفقاتي البنات طبعا فقط بغار وقت لازم يغار وأنا نفس الشي بغار عليه وقت لازم غار أنت حلوة والله والكل بيشهد علي وهو بحب جمالي بس بعد الخلفة سمنت شوي وهلا بنزل وزني

أنا عم اكتب الكم كاني عم اكتب هيك يعني اللي عم حسه عم اكتبو ما منقدر نسافر برا لان وضعنا المادي متوسط بس لان عايشين بغربة وهيك صعبة نسافر كل سنة يعني آخر سفرة كانت من سنة ونص تقربيا هو كتير عملي جد عملي يعني حياته شغل فلم نوم حتى مع رفقاته ما اله طلعات ومع اهلي أي بيطلع بس طلعات عائلية ما عنده رفقات كتير هو حياته دراسة أكل شغل يلعب بنتي نوم فقط لا غير والله تعبت علاقة زوجية مره اسبوعياً فقط أي ٤ مرات بشهر هو كويس بس جد أنا محتاجة اسمع كلام حلو اسمع عبارات حلوة هو عملي وحكيت معاه اكثر من مرررره بقلي أنتي أعطيني فرصة ارتاح بقلك كلام حلو مثلا لان هو بيرجع من شغله أنا بكون جد تعبانه بطلب منه يمسك بنتي يساعدني فيها وهيك يومنا بروح هو بده ولد ثاني بس أنا رافضة حاليا لان بواحد وهيك قلة اهتمام كيف ولدين ؟

صح أو لا سو اعمل وكيف خليه يحس فيني ؟ أنا متاكدة انه ما عنده انه يحكي مع غيري وهي القصص أو خيانه لان هو بخاف الله الحمدلله ودايما بقلي أنا مستحيل فكر احكي مع بنت غيرك لان أنا عندي بنت وبخاف عليها يعني أفكاره وأسلوبه كويس ماشاء الله بس هو كتير عملي يعني بحس كل حياتي لوحدي وأنا عايشة بغربة اهلي بعدين عن بيتي تقربيا ٣ ساعات واهله ب الأردن بس شو اعمل احكولي كيف خليه يهتم فيني اكثر احيانا بقله تعال نعمل فعاليات بقلي خلينا نجمع فلوس عشان بنتك بكرا تفرح وتخرج إنتي رحتي وجيتي وانبسطي مع اهلك وأول ما تتزوجنا هلا دور الأطفال أطفالنا علما والله هو كريم بس قصده نجمع لبعدين شو اعمل ؟ ساعدوني ؟ علما ان وضعي المادي الحمدلله عندي زيارة وبروح على النادي وبرجع بس ما عندي كتير صحبات هون كلهم بمدينتي ؟ ك وضع مادي هو بده يجمع اكثر عشان مصاريف الدراسة وهيك بس هو يشهد الله كريم معي شو اعمل برأيكم ؟