ماذا افعل مع زوج متسلط

ماذا افعل مع زوج متسلط عمر 24 عام زوجى 30 عام متزوجه منذ عام وعلاقتى بزوجى ممتازة وهو كويس من ناحيه بيحبنى وطيب وبيصرف كويس وبيعامل اهلى حلو جدا لكن ليه بعض القواعد الصارمه مثلا بيقول ننام 12 لازم 12 بالظبط نطفى النور ونخش عل السرير لما كنت مخطوبه لزوجى الحالى وحصل موقف ان احد جيرانى ضرب مراته فانا سالت خطيبى هو ممكن لما نتجوز تضربنى منتظرة انه يطمنى لكنه رد احترمينى ولن امد يدى عليك ابدا ولن اجعلك تخاف منى قلتله مانا ممكن اكلمك عادى وانت تقولى انك بتكلمينى باسلوب غير محترم من وجهة نظرك تقول انها عدم احترام وتتلكك وتقول اننا مبحترمكش قالى خلاص انا هحددللك ازاى تبقى محترمانى عن طريق لبسك وانت خارجه اللى انا اقول مينفعش متلبسهوش وفى البيت لبس قصير لازم تلبسيه حتى لو فرحانه زعلانه مضايقه محرجه تبقى ملتزمة بالقاعدة دى واللبس مفيهوش متنرفزة ولا متضايق فقلتله ماشى

بعد الجواز بفترة قصيرة قبل ميرجع شغله نزل معايا واشترى 7 قمصان نوم نفس الشكل الوان مختلفة وقالى عايز اى يوم ارجع من الشغل الاقيكى لابسه واحد فيهم ومفيش سبب يخلينى اشوفك لابسه ترنج بنطلون اى حاجه غير لو امك جايه لكن لوحدك لازم واحد من القمصان دول اقوله طيب عشان التغيير مش طول الوقت نفس الشكل عشان انت حت متزهقش يقولى ملكيش دعوة لو زهقت هبقى اقولك بقيت البس كل يوم قميص وانا مكسوفه جدا لانه فاضح جدا وكمان بيلبسهولى بدون ملابس داخليه وطبعا بحط اكل بتحرك بعمل اى حاجه بحس انه بيفضل يبص عليا واحسن ان جسمى كله باين بحس باحراج شديد طبعا عارفه انه جوزى ومبسوطه انه مبسوط منى ومن جسمى لكن محروجه شوية وفى نفس الوقت لو الجو وانا خارجه من الاوضه البس روب واقلعه اول ماخش وفى احد المرات جه ولقانى لابسه لبس تانى سالنى انتى لابسه كده ليه قلتله فيه ايه جاتلى البيريود فقلب الموضوع بهزار وضحك وقالى خلاص خلاص ده عذر مقبول ده مينفعش نرفضه

جه مره بعدها بفتره شدينا مع بعض قبل مننام وراح الشغل وكلمنى وشدينا تانى ف التليفون فقفل السكه وقال لما ارجع نتكلم فانا اضايقت منه جدا فقبل ميجى مكنش جايلى نفس اصلا البسله واشيكله ودخل لقانى طبعا مش العادى اللى متفقين عليه فقالى انتى لابسه كده ليه قلتله انا حره فراح المطبخ جاب الخشبة الل بنقلب بيها الاكل وقعد يضربنى بيها عل ايدى ورجل وجسمى حوالى عشر مرات مثلا بقيت مصدومة وخايفه وزعلانه وزعق وقال اروح البسى عدل رحت لبست بس كنت حاسه بكسره جامده وبعدين قعد يصالح فيا طول الليل ويقولى انت عارفه انى باخدها انك مبتحترمنيش لو ملبستيش كده قلتله مفيش مزاج ولا روقان احنا متخانقين قالى ايه المشكله لو انا شايفك غلطانه لما اشوفك سيكسى وحلوة هتقبل غلطك عادى واسامحك اسهل ولو انا اللى غلطان هتغريبنى اكتر انى اصالحك ايه لازمة انك تقوليلى انا مبحترمكش وقعدنا نجادل كتير بدون منوصل لحل بعد يومين جبت كل القمصان وحطيتها ف الغساله ولبست لبس تانى جه سالنى ليه مش لابسه كزا قولتله كلهم مغسولين تعال اوريهملك ف الغساله قالى عذر غير مقبول متغسل اول باول قولتله الل حصل مخدش بالى قالى مانتى هتضربى كده قلتله البس حاجه وسخه قالى لا اقلعى اللى انتى لابساه وصمم يعبر قلعن بالعافيه كل هدومى وقعدت لاخر اليوم كده بدون هدوم وقالى متتناصحيش عليا خليكى طيبه ومريحه الست الغلبانه بالنسبة للراجل حلوة

اولا هل هو كده طبيعى مع مراعاة انه مهندس شاطر ومحبوب ف المجتمع ؟ ثانيا هل اتقبل افضل لحياة مستقرة ام اتمرد وامنعه ام ابلغ اهلى مع مراعاة ان اهلى شايفنا احسن زوجين وبيضربوا بينا المثل ؟ ثالثا لو منعته يضربنى ممكن اقصى شيء يعمله ايه وهل ممكن بشخصيه مثل دى تطلقنى لو مححقتلوش طلباته فى اللبس داخل البيت ؟