كيف أتعامل مع زوجي الذي لا يلبي طلباتي

كيف أتعامل مع زوجي الذي لا يلبي طلباتي فأنا تعبت من رفض لزوجي لكل افكاري وقراراتي !! اقترح عليه شي يقول لا مثلا أعطتني الدكتورة ابر يوميا عشان الحمل وقلت له بدي اخد ابر كان جدا رافض جدا وخليت اهلي يجيبوهم واخذتهم اسبوع وحطيته بالأمر الواقع وكان مو عاجبه واصلا كان يقصر بانه يجيبهم بالحمل الثاني أنا من نفسي قررت ما آخذهم وقلت له ما بدي آخذهم وهو أصر اني آخذهم وصار يحكي أنا بشوف الدكتورة شو تحكي إذا حكت خذيهم بتاخذيهم رغم انه بالحمل السابق كان بيحكي مش كل كلام الدكاترة صح ومين هم ومش عارف ايش

برضو قلت له بدي احط طاولة عند غرفة الجلوس قال لا قلت ليش ما في سبب وبعد كم يوم فكر بالسبب وقاله الي هو بنحط التلفزيون وكنب وهو ما يتفرج على التلفزيون ولا أنا أنا شعري طويل واحبه طويل قال لي ليه ما أقصيه للأكتاف احلى وقال انه يتضايق منه اصلا وقت النوم ومن هالكلام ودايما يقول ليه ما تربطيه لما تنامي وانا كنت رافضة وحاليا مع انتشار الاكستنشن صار مش مميز ف قررت أقصه وكان مريحني ان اكيد بيعجب زوجي لما قلت له ما أبدى ردة فعل بعدين ثاني يوم لما رجعت فتحت الموضوع قال لي لا لا تقصيه بزعلك! ف أنا هالموضوع خلاني فعلا ارجع ذكرياتي واتاكدت انه بيحب يرفض

المشكلة ان قراراته اهله بياثروا عليها جدا ف مش عارفة ليش مش أنا كمان بقدر ااثر على قراراته احيانا بحسه مثل الطفل بيحب يرفض وبيحب ينتقم يعني إذا عملت شي غلط بحقه بيعمل هو نفس الشي إذا زعلت منه بيعصب ويصير يعاند في بدل ما يحل الموضوع الحل الي ببالي اني أصير اخيره يعني بدل ما احكيله بدي اقص شعري احكيله ايش احلى الشعر الطويل ولا القصير بس المشكلة إذا اختار الخيار الي عكس قراري وين اروح بحالي وقتها