كيف أتعامل مع زوجي الذي لا يهتم بي

كيف أتعامل مع زوجي الذي لا يهتم بي فأنا عندي مشكلة بنسبة الي حقيقة وجد حياة ما بعرف شو اعمل أنا متزوجة من ٣ سنين عمري ٢٦ وعمري زوجي ٣٦ سنة بيننا عشر سنين قبل الزواج كان في بيننا إعجاب وبعدها خطبنا وفترة الخطبة وكتب الكتاب تحول لحب وجد صرنا نحب وكانت اجمل ٦ شهور واول سنة زواج كانت الحمدلله كويسة حياة هادية وبسيطة وبعدها بكم شهر حملت وفترة الحمل بين اهلي وبين بيتي

السبب انه حملي كان صعب شوي الفكرة مو هون الفكرة بعد ما ولدت بدأ الاهتمام يقل وهو أتنقل شغل جديد وصار مضغوط بيطلع ٧ ونص ما بيرجع لساعة ٥ او ٧ يعني تقربيا ١٢ او ١٠ ساعات برا البيت أنا اهلي بعدين عني ساعة بسيارة مو اكثر بس هو دايما مشغول دايما بشغله وبالليل بيجي قدام التلفزيون ساعة ومناكل وبعدها بيلعب بنته وبعدها بنام مافي اي اهتمام بيني وبينه أبدا أبدا ما بعرف السبب مين جد ما بعرف بخصوص الطلعات وهي القصص صراحة حرام بطلع وبروح وين ما بدي بس لوحدي أنا وبنتي وبس وانا هون بالمدينة جد بغربة ما عندي حدا حاولت اتعرف على الجيران كلهم شايفين حالهم وما اندمجت معاهم شو اعمل

جد بنتي بتطلع مرتين ب الاسبوع لعب وهيك وزوجي بفكر بالولد الثاني وانا هلا عمري بنتي سنتين وشهر بس أنا إذا بولد واحد الاهتمام عدم كيف ولدين جد مو حاسه حالي متزوجة حتى علاقة زوجية مره بشهر والسبب مشغول مشغول والوضع المادي متوسط يعني عايشين وبس أنا متعلمة بس ما بقدر اشتغل بنتي بحس صغيرة تعقد بحضانه والله تعبت شو اعمل ؟ هو أبدا مو ضد أنا اشتغل او اي شي حرام بس أنا تعبت هو دايما مشغول وانا صديقاتي كلهم ب الاردن ما عندي ولا حدا هون واللي هون ما قدرت اندمج معاهم شو اعمل ؟ وزوجي لا حياة لمن تنادي حياته شغل ولعب مع بنته وحتى يوم الجمعة منروح على المول وبس ناكل ونرجع حتى مافي هيك امكان بسط اهل زوجي ب الأردن

ما بيجو والله تعبت من هي الحالة حكيت مع زوجي عشرين مره عن الاهتمام الحمدلله عدم مافي اي اهتمام فقط كيف يعني بدك الاهتمام بيحكيلي إذا بدك روحي لعند اهلك وانا بتصل فيكي باليوم نص ساعة ومنحكي تخيلو ؟ يعني هو ما همه الاهتمام من غير الاهتمام واذا سالته شو مفهوم بيعقّد بيضحك بقلي شو يعني مافي اهتمام وعلاقة زوجية قليلة ومع هيك بعمل اللي بدي ياه عادي ما عنده مشكلة بيخاف علي وقت لازم يخاف وبقلي روحي سوقي أنا بخاف من السواقة ليش ما بعرف وهو بده ياني سوق عشان أنا اصير لكل شي وانا رافضة مبدأ السواقة كتير واصلا بخاف اسوق بقلي لازم تتعلمي وبشتري الك سيارة صغيرة وسعرها معقول وهي القصة وانا بخاف اسوق والسبب لا قدر الله بخاف ادعس واحد واموت لا قدر الله دايما هيك بتخيل بخاف كتير اسوق وهي خلصنا من قصة السواقة

زوجي بيقلي قومي صلي صليتي عملتي ساويتي هيك بس اهتمام مافي فهمتو قصدي ؟ شو اعمل مهما عملت ومهما حكيت مافي اي اهتمام هو بيشوفوني حلوة وبقلي انتي كتير حلوة وبيسكت بقلي وجهك حلو جسمي بعد الولادة سمنت شوي وهلا عم انحف والله تعبت شو اعمل ؟ حاسه حالي مو متزوجة وحاسة حالي عمري ٧٠ سنة مو ٢٦ سنة قوليلي شو اعمل لك حتى عيد ميلادي قريب بحكيلي قوليلي شو بدك هدية بجيلك والله تعبت هو بيدخل من البيت بساعد بالبنت مثلا يتمها يعمل حليب يلعبها بس اهتمام عدم حتى من فترة مرضت بيحكيلي المرض وكل شي ب ايد رب العالمين والله تعبت مافي اهتمام