هل يجب على الزوجة مساعدة زوجها

السلام عليكم هل يجب على الزوجة مساعدة زوجها انا متزوج من ١٠ سنين وعلاقتي بزوجتي كويسه وانا حاليا مسافر بشتغل بره وكنت عايز اشتري شقه والفلوس كانت قليله معايا وكنت محتاج استلف اسلتفت من اصدقائي وامي باعت دهبها واديتني الفلوس ولكن زوجتي رفضت تعطيني دهبها تقبلت رغبتها واتصرفت

لاني مسافر كان لازم حد يكتب الشقه باسمه لحد ما ارجع واكتبها باسمي قررت اكتبها باسم والدتي وبعدين تنقلها لما ارجع ولكن زوجتي رفضت تسكن فيها لو ده حصل لأنها شايفه ان المفروض اكتبها باسمها بما انها زوجتي وهي هتبقي ترجعهالي برده لما انزل اجازه بصراحه كنت اكيد هعمل كده لو كنت لقيت منها مبادره بأنها تعرض تديني دهبها من البدايه من نفسها لكن ده محصلش منها هل كده انا غلطان او مش مأمنها والكلام ده