ما حكم الزوج الذي لا ينفق على أولاده

السلام عليكم ما حكم الزوج الذي لا ينفق على أولاده فانا متزوجه من ٥ سنوات وانا مش متعلمه بس بقرا واكتب كويس وعندي ولد وبنت وزوجي عنده ٤٦ سنة واولادي لسه صغيرين جدا بيبيهات يعني وجوزى كان متزوح قبلي ١٢ ست ومخلفش غير من ست واحده وانا التانيه انا كويسه وبهتم باولادي وبهتم بالبيت وبزوجي وبهتم بنفسي ايضا لكن هو مش شايف دا

زوجي يخونني وبيكلم ستات تانيه وديما بيخوني وبيقول ان انا الي بعرف رجاله هو كمان بيتهمني في شرفي وبيتهم امي وابويا في شرفهم لان اهلي على قد حالهم وهو طلقني قبل كدا مرتين وانا لسه راجعه بقالي شهرين و نصف وكل مره بيطلقني مش بيصرف على ابناءه وانا ابويا رافض اني اشتغل مع العلم ان زوجي ظروفه حلوه ومعه فلوس وانا بتساءل هو ليه بكلم ستات وعايز يطلقني تاني انا معنديش مشاكل اني اتطلق منو انا مشكلتي الوحيده انو مش بيصرف على اولاده قولوا لي اعمل ايه مع العلم طول الوقت هو بيضربني وبيشتمني