يسمع صوت بكائي ولا يسأل مابي

انا زوجه عمري 33عام تزوجت منذ 9سنوات وكنت متزوجاه وانا بمشاعر مراهقه وفكر غير ناضج بمعني ان كل اللي حواليا شايفينه انسان خلوق ومحترم و يبقي زوج كويس لكن كنت احبه حب عادي وهو بشهاده الجميع انسان محترم و هو فعلا انسان خلوق ومحترم ومتدين وشاب اخلاقه عاليه بمعني الكلمه وبعد الزواج اكتشفت فيه اشياء جميله اكثر من الظاهر فهو كريم جدا يعامل اهلي بذوق واحترام ويعاملني امام اسرته باحترام و مرت الحياه وكان يتخللها مشاكل مثل اي زوجين ولكن في كل مشكله اظل ابكي و يسمع صوت بكائي ولا يأتي ويقول لي مالك ويتركني هكذا ويقعد فتره اسبوع او اكثر لا يتحدث معي وبعدها يرجع يكلمني تدريجي وانا في هذه الغتره اكون اكلت في نفسي واتشليت بالبلدي كده ونطمع الوقت لفت نظره انه انا مش طبعي كده ولا احب ان الخصام يطول انا احب نتخانق ونتصالح بسرعه ما نطولش ومع الوقت نجحت اغير النقطه دي وهو حاول الصراحه يغيرها وبقي يحاول يتناقش ونحل اامشكله ونتصالح ومع الايام اكتشفت اني احببته حتي العشق و احبتت حياتي معه لكن احنا مشكلتنا انه هو يحبني جدا وانا احبه جدا لكن عند اي نقاش او مشكله ياخد رأي واذا كان رأي مخالف لرأيه يبقي انا مش بافكر في الكلام قبل ما اقوله واني سطحيه ومعنديش نظره للامور وهو دايما في حياتنا بيحسب كل حاجه بالورقه والقلم عايذ حياتنا ماشيه علي السطر ودايما شايف نفسه مش مقصر في اي حاجه وانه مثالي ومع اي شكوي او مشكله بينا يقولي انا ايه اللي مقصر فيه واذا ناقشته يقولي كلام فاضي و حجج فارغه احنا معندناش مشكله غير انك عايذه تنكدي علينا وبس دايما شايف اني متسرعه وعصبيه واذا ما وافقتوش الرأي نختلف وينتهي النقاش بخلاف وخناقه من الاخر هو بيحيني وانا باحبه لكننا غير متفقين في الرأي احنا شخصيتنا عكس بعض هو عملي وعاقل وبيفكر في الكلام قبل ما يقوله وشايف ان رأيه صح طول الوقت وان لازم اوافقه الرأي في اي حاجه واقول صح وحاضر وطيب وانا عصبيه و متسرعه ومش باعرف اقعد افكر قي الكلام قبل ما اقوله باتصرف بتلقائيه شديده و باتكلم وخلاص بعفويه ومش بافكر قلت ايه وباهزر طول الوقت وهو دايما يقولي فكري غي الكلام قبل ما تقوليه وياخده علي اعصابه ويفكر فيه ويحاسبني عليه ويقولي انتي مخلياني مش عارف اشتغل ومنكده عليا وانا اقعد اعيط و ابقي هاتجنن اللي انا حاسيته انه عايذ يشاركني ويحكي وياخد رأي في كل حاجه لكن ابقي متفقه معاه في كل شئ والغي شخصيتي تماما قدامه واذوب داخل شخصيته واقوله انت صح علي طول الخط و ده بيضغط علي نفسيتي جدا بس باحاول اعمل كده علشان المركب تمشي هيا دي النقطه اللي منكده عليا حياتي معاه غير كده هو ذكي وطموح وكريم وبيخبني وبيحب اولاده ايه رايكم الغي شخصيتي تماما وافضل اقوله علي كل رأي تمام دون اعتراض