احترت كيف أتعامل مع زوجي

انا متزوجه من سنه وشهرين ولدي بنت .. مشكلتي مع زوجي ان عمله في منطقه بعيده ويروح شهر ويجي 20 يوم ورجع لدوامه لكن اذا جاء دايم جوه معصب وما يسولف كثير معي طلعاته كثيره ما يمازحني الا نادر دايم احس جونا ممل جدا جدا .. وعلى اي شي تصير مشكله .... اخر شي فالعيد كثرة روحاتي لاهلي كل يوم اروح وماارجع الا الصبح لان اهلي مجتمعين وكذا .. ف يوم من الايام اللي هو قبل اسبوع قلت بروح اهلي قال انا بمشي بكره اجل خذي اغراضك معك واوصلك مره وحده بكره الصبح بمشي لدوامي .. قلت له برجع لاغراضي اخر الليل وتوصلني قبل لا تمشي عصب وقال تعاندين ومدري ايش قلت لا بس اغراضي مششته ودي ارتبها بوقت وانا ودي امشي لاهلي الان لانهم مجتمعين قال ططيب .. وصلني وودعني وقال بنام ترا بدري يعني يبي اخواني يوصلوني وهو ينام .. قلت طيب .. جت 12 بالليل ارسلت له صاحي ما نمت قال ايوه .. قلت تعال خذني .. جاء واخذني وهو معصب ولا حاكاني ولا حاكيته ولا شي صمت .. جينا للبيت قال جهزي اغراضك بكره متى ما صحيت بوصلك وامشي قلت طيب .. واجلس ارتب اغراضي وهو نام .. جت 11 الظهر صحى قال يلا اوصلك قلت يلا ... وصلني وهو بعد على الصامت ولا قال لي ولا شي نزل اغراضي ورجع للبيت انا على بالي بيمشي لدوامه .. خليته يوم جاء المغرب سالته وصلت ؟؟؟ قال لا بمشي بكره .. انصدمت وشلون يوصلني بدري وكذا وهو ماراح يمشي اليوم مع العلم انه كم مره يسوي هذي الحركه ينزلني قبل سفره عند اهلي بيوم او يومين .. واذا ناقشته ليه توصلني بدري قال بجلس مع اهلي وبشوف اشغال مع انا ساكنين عند اهله وهو كل شوي ينزل لهم وكل يوم يطلع يقول بشوف اشغال وقفت على اليوم اللي قبل لا يمشي فيه لدوامه .. والحين له اسبوع لا كلمني ولا كلمته وربي احترت كيف اتصرف معه والزعل لي المفروض يجي يكلمني ... برايكم ايش اسوي تكفون والله اني في موقف صعب جدا وتعبت من التفكير ...... الله يعين