اشعر بأنني اخترت الانسان الغلط

انا طالبة طب لسا فالمراحل الاولى ..اتزوجت عن حب وهوا قريبي .. بس بتحصل بيننا اشياء غريبة كانو ما حبني فيوم كان يضربني وحبسني مره ويتجاهلني دايماً وما يحترمني احسو يسوي دي الاشياء لدافع الرجولة .هوا واهلو عليا ، اهلو يغارو مني من غير سبب ،، هوا ما يصرف عليا بابا يصرف علينا احنا الاتنين ، هوا طالب طب زيي بس سنه ويتخرج لطالما فكرت انو حياتنا حتتحسن كثير ومحنا فاهمين بعض بس انا احاسيسي تقولي اني اخترت الانسان الغلط ،انا حبيتو .. يحب يسوي اشياء تقهرني ، دايماً اقولو ايش احب ، بس ما يسوي الاشياء الي احبها دايماً يحسسني انو هوا يحب ويتعلق فاي بنت من الي حوليني ، مره قلي انا اكره غيرتك يعني كثير اشياء متناقضه بيصغر فعيني كتيير ، بس انا ما اقدر اسيبو يوم واحد يتخلى عني بسهوله ممكن ابكي واصرخ وهوا يضحك ويرسل سنابات ولا هميتو بس دايما قدام اهلو يسوي نفسو الغلبان عشان اهلو يحقدو عليا ويدافعو عنو ؟ واشياء كثيير انا مو لاقيتلها حل ، مشكلتي انا مرا طيبه ودايما اسامحو وابينلو نقاط ضعفي وحبي ليه وهوا عكسي كل ما يشوفني كدا يقوى ، انا سرت احاول اكسرو دايما بكلامي لا ارادياً لاحظت فيا دا الشي ..