زوجى بخيل ولئيم كيف اتعامل معه؟

السلام عليكم انا متزوجة من سنتين وعندى طفل جوزى من اول الجواز بخيل عليه مش بيدينى الا القليل جدا اللى حتى ما يمشي البيت اتحايل عليه عشان يدينى فلوس بيدينى ملاليم وطمعان فى اهلى يجيبوا وياكلونا وبيطلع للضيوف احلى حاجة جاية منهم اهلى. وفى الولادة كان مسافر وخلانى اروح عند اهلى وصرفوا كتير و عملت عمليه وكان عايزنى هو ووالدته اروح عند اهلى بخدمونى ويصرفوا عليه ومكنتش عايز يدفعلى فلوس العمليه الا لما بابا ضغط عليه. اساسيات البيت مش موجوده مش بيجبلى لبس ولا بيراعى ربنا فيه سلبنى كل حقوقى وبيسهر مع اصحابه ويسبنى وواخد كل حقوقة بقيت بحس انى رخيصة والله بحاول اعوده على انه يساعدنى بس لئيم اوى ولو تعبانة يفضل يقولى هو انتى بتعملى ايه يعنى وبقة يدخل البيت يدور على اللى مش معمول ينتقدنى ومش بيشوف الحلو اللى عملته ابدا. ودايما ينتقد اهلى ويقلل منهم من وراهم طبعا انا اعلى منه فى المستوى الاجتماعى وانا قبلته عشان متدين وقلت هيراعى ربنا فيه وعمرى محستته انه اقل منى واخر الامر ضربنى وانا عند اهلى دلوقت واهلى بيصرفوا عليه. اعمل ايه افيدونى ارجوكم