لا يكلمني أو يتصل بي إلا بإلحاح مني

انا فتاة عمرى 34 سنة متزوجة من حوالى 16 سنة ربنا رزقنى بنت وولد الحمد لله زوجى يعمل بالخارج ومرتاحين ماديا ربنا قدرنى و وقفت معاه وهو فى اصعب ظروفه مشكلتى انه مش بيحاول انه يتصل او يكلمنى غير بالحاح شديد منى لازم انا اتصل به اكتر من كذا مرة عشان يفكر يتصل دا لو اتصل يعنى بجد انا تعبت ومقدرش احكى لاهلى او لاى حد عشان مشوهش صورته قدام اى حد مهما كان مع العلم ان معاملتى له كويسه جدا ومش بلاقى منه غير العكس وكل يوم ببعت له رسايل حلوة عشان اول ما يفتح يشوفها اقول يمكن يتغير بس للاسف بدون اى فايدة ارجوكم ساعدونى بدون اهانة او تجريح لانى بجد موجوعة جدا ودة حالى بقالى سنين طويلةولو اتصل مش بيتكلم هو بس بيسمع منى زى ما يكون مغصوب انه يكلمنى واسفة على الاطالة .