محادثات زوجي مع هذا الرجل تقلقني

السلام عليكم انا مرأءة متزوجه من رجل مركزه مرموق وعشنا حياة كويسه ولله الحمد و الانسان هذا طيب وكريم ويحبني والحمد الله مايقصر علي بعد فتره اربعه سنين من زواجي استكشفت انه يميل للجنس الي مثله فقط محادثات وتعارف ... عرفت وتزاعلنا ورحت بيت اهلي فتره وتصالحنا وفهمني انو هذا الشي من هو صغير في فقط حب استطلاع وانه يحبني ومايقصر معي في شي .. مرت سنتين وسافرنا للخارج وخلفت ولد ... وكان جدا طبيعي زوجي مافي اي شي حتى كنت افتش من وراه مافي اي شي ومع الايام لقيته تغير علي يعني ماسار يقرب مني مثل اول بس مازال طيب القلب وكل شي فتشت مره جواله لانو ٢٤ ساعه عليه شكيت الصراحه ولقيت رسايل مع واحد اجنبي وكلام غير مفهوم وصارحته وهزئني انو كيف افتش جواله وهذي خصوصيه وانو فقط بيستشيرو وووو وكلام ومبررات مالها داعي وقلب الطاوله علي انو كيف امسك جواله وكان بيطقلني بذا السبب وانا ماعندي مشاكل ... والشيطان بدا يلعب براسي من فتره وكل فتره اقراء المسجات لم افهم الى اي مدى وصل في العلاقه مع هذا وهل في اتصال جنسي بينهم ولا مني عارفه احدد وافهم وهل فقط دردشه مع ان هذا الشخص ساكن بنفس مدينتي وكم مره تقابلو لانو كتب عنوانه ويرسل كلام غير لبق وفرضا ساير بينهم شي انا مني عارفه كيف اتصرف وهل اطلق ولا عل اواجهه لو واحهته حايعرف كيف اراقبه وممكن بعد كدا يخبي ويعرف وحاتقوم مشكله طويله وعريضه وانا ماعرفت الحقيقه وسوف اطلق والصراحه مني عارفه ايش اسوي وانا حاسه انو بيخونني ... ومني عارفه ايش اتصرف مني عارفه لانو افعاله معايا مره كويسه مره بلكن مره في الشهر يتغير علي او يتواصل مع هذا او يقابله ومااعرف ايش يسير في المقابله هذي