أنا الزوجة الثانية لرجل متزوج وعنده 5 أطفال

السلام عليكم ورحمة الله وبركاته :انا الزوجة الثانية لرجل متزوج وعنده 5 اطفال .. من وقت تزوجنا وفي مشاكل .. لان زوجته الاولى قامت الدنيا عليه.. طلقني بدون سبب اول ما تزوجنا بعد زواج شهر .. وبعد انتهاء العدة اجا وتحدى العالم كله ليرجعني وانا كنت رافضة الرجوع اله .. لكن باصرار منه ووعوده الي وكان يقولي انه بحبني وما بده حدا تاني يتزوجني غيره رجعت اله وتزوجنا مرة تانية وعشنا مع بعض .. لكن انا ما كنت مرتاحة ابدا وصارت مشاكل على انجاب الاطفال وصار يحكيلي انه ما بده اطفال غير بعد فترة سنة .. طبعا انا كنت لحالي بالبيت وبحاجة لونيس .. وصارت مشاكل وعلى اثرها انا رجعت لبيت اهلي وقررت اني ما بدي اياه لو شو ما يعمل .. وصار الي سنة عند بيت اهلي واجا اكتر من مرة بده يرجعني وانا رافضة.. مع العلم اني انا مطلقة من قبله وكنت اشتغل .. وهوه ممنوع عنده الشغل ورافضه .. وهلأ هو بده يرجعني بس شروطه انه ما بده اهله يعرفو بالموضوع انه رجعني ولا زوجته الاولى حتى لا يصير مشاكل وانه ما احكي لاهلي عن طلباته عشان نقدر انا وياه نعيش بسلام لانه بحبني وما رح يبعد عني وانه ما رح يتركني ورح ينام عندي لانه عنده ظروف بتتحتم عليه انه ينام برا .. ووافق اني اشتغل واكمل دراستي الجامعية مقابل هاد الشرط .. وانا وافقت على مضض لاني صرت متورطة معه وما بدي اطلق للمرة 2 .. واني رح اكمل دراستي الجامعية ورح اضل بشغلي .. انا كتير محتارة ومتخوفة ..  مش عارفة اخد قرار صح .. وانا ما بين نارين .. نار رجوعي اله وخايفة من تغيره علي بعد بفترة وما يوفي بوعوده الي .. ونار طلاقي وانه ما رح يتركني بحالي واني اعيش بدون رجل وسند واكون عرضة للكلام والحكي من الناس .. افيدوني وشوروا علي اثابكم الله ..لاني فعلا محتارة ومش عارفة شو اعمل وشو اسوي ومش عارفة اتخذ قرار ؟؟؟