راجل علية وضعيف أمام أخوه

انا متزوجة من 23سنة زوجي سليط اللسان وشخصيته مهزوزة عامل راجل عليا مع اني في نظري مش راجل بيعمل مشاكل عل اتفه الاسباب ويخاصمني اسبوعين او ممكن شهر وهو نايم جانبي عادي جدا وغبي جدا في التعامل معايا ومع ولادي انا خلفت منه ولدين ربنا انعم عليا بيهم هو دة اللي خلاني اتحمل السنين دي كلها هو بيحب اخوه بجنون وكل مشكلتي اني مش بحب اخوه واخوه مش راضي عني وده منعكس عليا في بيتي . يعني ممكن اخوه يشوفني وماسلمش عليا لكن هو يسلم علي مرات اخوه ويبوسها ومايزعلش عليا لو اخوه تجاهلني هو ومراته ولو عملت لنفسي كرامة وما سلمتش عليهم او علي مرات اخوه باليد بيخاصمني بالاسبوعين اواكتر وحاجات كتير شبه كدة وغير انه عمل لاخوه قرض ب100الف جنيه ودبسه في الدفع كل شهر من مرتبه 2500 جنيه لمدة خمس سنين وراح اتجوز بيه جوازة تانية وضحك عليه ولغاية دلوقتي بيسد في القرض ويقولي اخويا واللي هو عاوزه هعملهوله واحنا عندنا ولدين في الجامعة ومش عارفين نعمل حاجة لا لاولدنا ولا لينا وجوزي موظف واحنا سكنين في سكن اداري ولا نملك شيء غير المرتب .واخوه عنده شقتين تمليك وكوفي شوب وموظف ومستغل حب جوزي ليه. واحنا دايما علي خلاف بسببه. مش عارفة اعمل ايه. واحنا دلوقتي متخاصمين بسببه بقالنا شهر لانه اداله فلوس تاني. يعني انا مدبرة في بيتي علشان اي حاجة تبقي موجودة للزمن وللعيال. اول ما اخوه يقوله عاوز فلوس يديله بدون تردد بالغرم ان هو لسة بيسدد القرض. انا مخنوقة انا والعيال. اعمل ايه ارجوكوا فيدوني