زوجي يسمعني كلام جارح وبعدين يعتذر

السلام عليكم ورحمه الله وبركاته \ اولا كل سنه وانتم بالف خير علي انكم تميتوا سنه يا رب دايما في نحاح \ اما مشكلتي اللي بتعذبني وعلي طول في نكد هي اني انا متجوزه من انسان اكبر مني ب17 سنه والفرق الاجتماعي بينا كبير كمان انا اتجوزته علشان اخرج من البيت لان اختي الكبيره كانت علي طول بتدايقني وعلي طول بتعمل معايه مشاكل كتير ده اصلا تقريبا اول واحد يتقدملي بابا عرضه عليه وانا قبلته علي طول وكمان انا عرفت انه حالته الماديه كويسه وهيقدر يعيشني في مستوايه لكن لاسف حتي دي مطلعتش صحيح لانه كان بيمسا انه عنده فلوس كتير كان بيكذب يعني المهم اني انا من ساعه متجوزته وانا علي طول تعيسه وببكي لانه راجل غريب جدا ساعات بيحسسني اني اجمل واحسن واحده في الدنيا وانه هو نفسه مش مصدق اني رضيت بيه وانا بحس كده فعلا منه ولما يحصل بينا اي خلاف بسيط اي خلاف يتقلب راسا علي عقب يقول كلام عكس اللي بيقوله في العادي يقولي لو انتي جميله كنتي عملتي ايه وكل الكلام الجارح اللي هو اصلا مش موجود فيه ولما احاول اخرج من البيت واروح بيت بابا يفضل يتاسف ويقول خلاص سمحيني مش هقول كده تاني علشان الاولاد والكلام ده ويبقي كويس جدا وبعدين تتعاد نفس الكره وحتي نفس الكلام بالضبط لما يحصل اي خلاف بس انا تعبت ومليت ومش عايزه اولادي يتاسروا باللي بيحصل ده وانت مش قادره استحمله وعلشان اكون صادقه معاكم كمان مقدرش اروح عند اهلي علشان مش عايزه اولادي يتعرضوا لاي موقف يدليقهم او حتي يبقوا بيني وبين ابوهم بس والله انا تعبت وعلي طول ببكي ومش عارفه اعمل ايه لو سمحنوا ساعدوني وشكرا ليكم