بعد الزواج.. زوجي دفش وسرقني ويحرمني من أهلي

السلام. عليكم انا فتاة متزوجه إلي شهر زوجي ما احسن التعامل معي كزوجة من اول يوم الي في البيت هو ما عنده اسلوب كنت انا في اول ليله الي معه كتير متوتره وخايفه بس هو ما ريحني يعني ما جلسنا حكينا زي اي زوجين ما خلالي مجال حتى اتانس عليه وعلى البيت كان يخلع ملابسه امامي زي المجنون حتى لما تعشينا اكل بسرعه وهاي مش هيك عوايده المهم ولا حكالي ولا كلمه تخفف عني خوفي وبعدي عن اهلي كان كل همه يثبت حاله انو زلمه المهم خلصنا العشاء. بسرعه ودخلنا ع غرفة النوم ما تركني اجهز حالي ع راحتي كان كتير مستعجل حاول يتقرب مني بس هو كان عبيط ما استثارني لحتى يقدر يدخل وصار يدافش وهو مش عارف شو يعمل وانا من الخوف صرت اشد ع حالي وصار جسمي يروج حتى الساعة. 4 الفجر وما صار اشي بس تسببلي بجروح وتاني يوم نفس الشي. واستمر الحال هيك اسبوع بعدها اجتني الدوره بس طول هاي الفتره ما ارتحت معه في البيت لانو امه كانت دائما تفسد ابنها علي ومش بس هيك وتدخل في حياتنا وهو شو ما تحكي امه بعمل وصارت ما بدها اهلي يجو علي وكل ما اهلي يجو علي تقعد عندي حتى اهلي يروحوا وصارت بدها اياني زي الخدامه الها واطلع عندها من الصبح حتى يروح زوجي . احنا قبل ما اتزوج كنا متفقين انو اكمل ادراستي في يوم من الايام اجي والدي كان طالعلي منحه توفل انجليزي اجى وحكى مع زوجي وعمي وما احكوا اشي قالوا احنا مستعدين مع العلم انو والدي دافع التكاليف المهم بعد ما روح والدي سألت زوجي شو رأيك في كلام بابا حكى ما في مشكله بس هاد الشي ما يأثر ع حياتنا انا حكيتلوا ما في شي بأثر ع حياتنا اذا كنا متفاهمين ومتعاونين المهم تاني يوم طلع ع الدوام بس رجع انا لسا ما حكيت معه صار يحكي انا حاس حالي مش زلمه وما الي كلمه في البيت وابوكي بدو يدخل. ومن هاد الحكي وصار يحكيلي انا ما بطلعك في الشتاء. طبعا هاد حكي امه هيه مش كلامه . وصارت مشكله ع هاد الحكي وبهاد اليوم سرق. مني الذهب هو وانا ما عرفت . تاني يوم بدي اطلع بحكيلوا وين الذهب بحكيلي انا اخذته طيب ليش توخذ الذهب بدون علمي حكى اليوم بجيب الذهب . انا روحت ع اهلي وحكتيلهم شو صار معي اجى المسا بدو يروحني حكالوا والدي انو ليش تعمل هيك اعترف وحكى انا اسف وبكره الذهب بكون عندكم بابا حكالوا انو انا ضيفه اليوم وبكره جيب ابوك والذهب وتعالوا علينا المهم روح وما اجى تاني يوم ثالث يوم اجو وصاروا يحكوا انهم بدهم يحكوا في موضوع ما بيعرفوا انو البنت لسا بنت لسا الشب ما دخل عليها وانو انا يلي برفضه وحكى اني بتشنج (مع العلم اهلي بعرفوا حتى هو حكى مع. والدي واجى والدي وقراء علينا قرآن ) وصاروا يراوغوا وما جابوا الذهب معهم . وحط كل الحق علي اني مش رافض ومش راضيه اخليه يدخل بس انا كنت اجعز حالي وهو ما كان يعرف يتصرف وما بعرف اذا معه ضعف جنسي او لا المهم راحوا وما رجعي وصار الي اكثر من اسبوعين عند اهلي لا سأل ولا ع بالوا رفعنا عليهم قضيه في المحكمه رحت ع بيتي مع الشرطي اجيب ملابسي لقيت ملابسي فس اكياس بلاستيك وموميه بره في البرنده المهم خلاهم الشرطي يرجعي الاكياس ع البيت مشان اتفقدهم لقيتهم مزعين ملابسي وسارقين نصهم لا حول ولا قوة الا بالله. حقودين وكذابين وسراقين و طبعن يلي عمل هيك في الملابس ام زوجي واخواته هن عندهم غيره مش طبيعيه انا احتسبت اجري عند ربي وما حبستهم وتركت كل شي لوجه الله. تعالى . تعبت مش عارف شو اعمل ولا شو اتصرف احنا يسرنا عليهم وهما ظالمين احنا ما كنا نعرف انهم هيك الحمد لله. ع كل حال ويلي يقهر انو عاملين حالهم مظلومين ناس ما في عندها ضمير . حسبي الله. ونعم الوكيل