أخاف أن أهدم حياة بناتي بسبب زوجي

السلام عليكم لو سمحتو انا حابه استشيركم انا متزوجه بقالي 6 سنين بداية زواجي كان زوجي يرفع ايدو علي ويهيني صبرت لسنه واكتر شاركت همي لاهل زوجي سكرو على الموضوع وما تدخلو لانهم مابدهم يخسرو ابنهم لغاية ما حكيت لاهلي طبعا رفضو الموضوع تماما وتعهد زوجي ما يرفع ايدو علي لكن ما انتهت مشاكلنا زوجي عنيد جدا وما يعطيني حقوقي كزوجه كامله في بينا فتور لدرجة اخر سنين هو ينام بغرفه وانا بغرفه مع بناتي وما بدو يقرب مني وانا ارحلو كل ما اقرب منو يقلي قلبي مش صافيلك وانا ما بحبك ومش طايقك وحاولت كتير ما بدي ادمر بيتي مع اني شو ما بدو بعملو ودائما بلبس وبترتب عشان ألفت نظرو ودائما ما بخلي شي بنفسو غير بعملو اياه من اكل او حلو ومعاملتي معو محترمه عمري ما هنتو اوهنت حد من اهلو بس للاسف اخر فتره دائما يقلي مش طايقك وما بحبك ومابدي اياكي لدرجة قلي انا لا بدي اظلمك ولا تظلميني روحي ولا ترجعي انا طلعت من بلدي فبلد غريبه ومال لا اخ ولا اخت ما الي الا هو هون وانا مش هاين علي عندي بنتين اني ادمر حياتهم وادمر بيت احلي اخر مره حكولي اعطيه فرصه يمكن يتغير انا اعطيتو اكتر من فرصه بس للاسف بتغير للاسوأ لدرجة انو حكى لاهلي انا ما بحبكم لاني ما بحب بنتكم بالله عليكم تفيدوني اعطوني حلول اتجهلها انا دائما اتذكر الأشياء الحلوه مع انها قليله انا طالبه حياه كريمه محترمه مع ود واحترام