زوجي لا يحبني ولا يريد ان يطلقني ماذا افعل

السلام عليكم الله يخليكم انا في أمس الحاجة لمساعدتكم عشان والله بمر بمرحلة صعبة من حياتي والله زوجي لا يحبني ولا يريد ان يطلقني ماذا افعل وماذا افعل لو زوجي مش بيحبني ولا يريدني أن أبعد عنه فانا مشكلتي انه انا متجوزة بقالي سنة وفي خلال السنة دي كنت بعاني مع جوزي من اهمال عاطفي يعني بكون محتاجة منه كلمة حلوة واهتمام بس هو مكنش بيعمل كده انا اللي كنت ببادر ديما وللاسف كنت بعبر عن احتياجي بطريقة مش كويسة انتا مبتحسش انت بتقلل مني

كل شوية كنت بلم شنطتي وقوله نطلق وهو كان صابر عليا لا قصى حد انا بعترف أننا كنت غلطانة في ردود فعلي دلوقتي انا خسرت زوجي خلاص هو مكنش بيهتم بيا عاطفيا بس كان بيحبني وكان بيبان في مواقف كتيرة بعد كل المشاكل اللي حصلت ما بنا حصل بنا جفا وبعد دلوقتي صارحني انه مبقاش يحس بحاجة نحيتي مبقاش يحبني بقوله يعني ايه ننفصل بيقولي ولا قادر ابعد ومش عارف ليه بيقولي نكمل كده من غير حب ومش عارف ممكن مع الأيام ترجع المشاعر ما بنا انا تعبت نفسيا مبقاش يشتقالي مبقاش بيحبني حاسة أنه عايش معايا كده وخلاص فمش عارفة اعمل ايه اقوله خلاص ننفصل ولا ايه؟

هو ممكن الحب اللي كان ما بنا يرجع ولا ده مستحيل؟ بقالنا تلات أشهر من لما قالي الكلام ده ولسه بيقولي مبقتش أحبك بس مش قادر انفصل عنك وعملت محاولات كتير أننا أرجع اللي ما كان بنا من غير فايدة ارجووووووكم ساعدوني اعمل ايه هل انفصل ولا اكمل انا حاسة بالذنب لأنه وصلت الانسان اللي كان بيحبني كتير لشخص مبقاش يحس بأي حاجة من نحيتي هل لما الحب يروح ممكن يرجع تاني في أمل ولا أنساه الله يخليكم جاوبوني بدون دكر الاسم