طيش الشباب بيهدم بيتي!

انا بنت عمري ٢١ سنه كنت احب ولد جيراننا وكان بيننا علاقه ومره طلعنا مع بعض ودخل بيننا الشيطان ونمنا مع بعض وفقدت عذريتي معه. انجنيت وقتها وخفت لكن الي خفف الموضوع ان ام الولد عرفت بالموضوع وسترت علينا وخطبتني لولدها وماقالت لاحد وتم الزواج بسرعه.تزوجنا وهذا السر بيننا الثلاثه حتى ابوه وامي وابوي مايدرون بشيء والحين اعيش مع اهل زوجي بنفس البيت ولنا سنه وشهرين والحين انا حامل بالشهر الخامس وام زوجي تعاملني مثل بنتها وتخاف علي .مشكلتي الحين ان زوجي تغير عليُ بسرعه وماصار يهتم فيني وصرت احس اني ديكور عنده بالبيت او اني غلطه وصلحها وابتلش فيها الحين والحين يبي يفتك منها وانا صابره وامه ماتقصر معي وتتكلم معه وتهدي الوضع بيننا بس مافيه فايده خوفي الحين مو منه بس خايفه تنكشف سالفتي معه وانفضح.. خايفه ومحتاره وصرت تحت ضغط نفسي كبير وصار يأثر عليٌ حتى الدكتوره حذرتني ان ممكن يؤثر على الجنين .ايش اسوي معه ؟ ارجوكم ساعدوني!