زوجي اعتبر أن زواجنا نهاية المطاف

السلام عليكمانا متجوزة من 4 سنوات لدي طفله وانا الان حاملمشكلتي أن زوجي اللي حبيته بجنون واتجوزنا بعد قصة حب كبيرة واتحدينا الكل عشان نكون لبعض ف النهايه اعتبر أن زواجنا نهاية المطاف بمعنى أنه لاداعي لكلام الحب لاداعي لأن يغازلنى او يعلق على لبس ليا واحنا خارجين او حتى يقولي تسلم ايدك لما اطبخله طبخه نفسه فيها او حاجه حلوة اعملهاله باهتمام علشان عارفه انه بيحبها حتى مناسباتنا التى كنا نحتفل بها كأول يوم تقابلنا فيه أو حتى عيد ميلادي عيد جوازنا عبد الحب اى عيد بينسا انا مش عاوزة هدايا ولا طالبه منه اكتر من كلمه حلوة تبلغ ريقي وترضي الأنثى اللى جوايا اللى طول اليوم قدام المرايه تظلم ف جسمها رياضه ودايت وماسكات وشعر ومكياج وورقصتله واتكلمت شغل السبا والمساج من ع اليوتيوب علشان أحسسه انه متدلع ومدلل ومش ناقصه حاجهانا فعلا مهتمه بنفسي لأبعد الحدود ولو حد غريب شافني بيفتكر انى متجوزتش ومخلفتش صحيح انا مش جميله اوفر يعنى بس ناس كتير رأيها انى حلوة ومتغيرتش ابدا عن الصورة اللى عرفني وحبني واتجوزني عليهاكلمات الإعجاب من زميلاتي وهما بيقولو يابخت جوزك بيكي انتى ازاى عارفه تحافظي على جسمك كدة اكيد جوزك فرحان بيكي بقت بتوجعني أو حتى لما اشوف ف عين رجل غيره نظرة إعجاب بتوجعنى لانى من جوايا نفسي جوزي وحبيبي هو اللى يبصلي البصه دىوالمشكله الأكبر أن زوجي كانت له نزوة منذ عام مع زميله له ف العملوكان بيقولها كل اللى نفسي انا اسمعه منه وكان له بال يجامل ويهزر برغم انه مشغول بردو يعنى حجه الشغل دى مبقتش مقبوله بالنسباليصحيح انا سامحته لما اعتذر بس غصب عنى بقارن طريقته معايا دلوقتي مع طريقته معاها وهى ساعات بتجيلي ف كوابيس تقولي جوزك مبيحبكيش جوزك كان بيعاملنى احسن ما بيعاملك لما قربت اتجننانا حسه انى محرومه محتاجه اسمع كلام حب وغزل محتاجه احس باهتمام زى اى واحدة مابتحتاج من حبيبها وخصوصا انى حامل مش بحس انه خايف عليا لو فضل برة البيت طول اليوم ممكن ميفتكرش يكلمنا ولا مرة حتى لو انا مطلبتوشهى طلباتي دي مش مشروعه كتير عليا يعنيلما بتكلم معاه بحس انى بهين كرامتى لما اطلب منه الحاجات دى بس بقول ده حبيبك وجوزك مفيهاش حاجه وبردو بيسمع لي وبعدين يطنش أو يقولي مشغول والله استحمليني وفى حاجات مش بيكون لها طعم لما بطلبهامبقاش فى وقت حلو ممكن نقضيه مع بعض الا ال .... ده الوقت الوحيد اللى ممكن احسه قريب منىساعات بفكر أهمله واعامله بمعاملته وابطل اهتم بيه واتطمن عليه وهو بره طول اليوم بس مش بيهون عليا اعمل ايه بجد تعبت وخايفه على حملي لأن الجنين ممكن يتأثر من حالتي النفسيه دى