حرق قلبي بعد عودته لزوجته الأولى

السلام عليكم، اتمنى تساعدوني بمشكلتي. انا متزوجه من سنه تقريبا وما عندي أطفال ومغتربه.. كنت مبسوطه كتير مع زوجي وكل يوم احلى من اللي قبله بالأخص بالأشهر الخمسه الاخيرة،بيوم حكالي رح يرجع زوجته الأولى لأنه بالأساس هوا ما طلقها ومخليها عند أهلها طول هي الفترة من دون ما اعرف.. وهلاء صار بدو يرجعها لما حكى معاه ابوها للبنت، وزعلت منو كتير لانو خبى علي وتعبت نفسيتي بالنهاية قررت أكمل حياتي معاه لأني بحبو، وحاولت اتأقلم مع الوضع ورجعت حياتنا حلوه والحمدلله، ولما اجى وقت الجد وسافر لها على مدينتها عشان يجيبها وتركني لحالي بالبيت.. حسيت بوحدة كبيرة اتمنى الموت بكل لحظه..بتخيل أنهم مع بعض وبيحترق قلبي.. ولسه لما يجيبها رح يصير يوم انا ويوم هيا.. يعني رح أضل وحيدة.. غير انو مانعني اطلع اخد دورة اتعلم مع بنات.. وغير ممنوع اطلب اروح دكتورة مشان تأخر الحمل.. صحيح مو مقصر معي بأشياء كتيرة وطيب وحنون.. بس مو معطيني حق الامومه.. يعني أربع ليالي لحالي ولسه.. شو اعمل بعد هيك رح يتركني كتير.. يا ريت تحلوها انا ما لقيت حل..