بسبب بخله لجأت لمن يصرف علي

انا متزوجه من ١٣ سنه عمري الان ٢٨ تزوجت وانا صغيره ماحبيت زوجي ولا الحياه معه ولااسلوبه بس حاولت احبه وأحب أهله عشت معه كل شي لا وممنوع بس كنت راضيه أزعل وأبكي يوم يومين وأنسى تزوج علي بعد زواجنا ب خمس سنوات كان عمري ٢٠ سنه كان عذره لزواج أني مااعطيه حقوقه الخاصه وماعندي اُسلوب وهذا حقيقي لني كنت ماعرف شي ابدا بحكم أني صغيره واستحي ب المره وقت زواجه كان معي ٣ أطفال وقت زعلي ورفضي لرجوع له وطلب الطلاق وكان هو رافض الطلاق رفض كلي اكتشفت إنّي حامل ب الطفل الرابع هناء كل قواي راحت تعبت من كل شي صار الطلاق شي مستحيل خصوصآ أن اهلي وقفو معه بحكم انه مايقصر وكل يوم عندي عشان ارجع ..واضطريت ارجع وكان هم كبير على صدري مسؤليه الأطفال وزواجه وكلام الناس فكل مجلس ليش تزوج وانتي صغيره وجميله ومن هالكلام ..كنت كل يوم انا وياه مشاكل ع هالأسباب وفقره وعدم قدره ع الصرف علي انا وعيالي لن أخذ قروض عشان زواجه وصار مايستلم راتب ابد زوجته الثانيه معلمه واكبر مني ب خمس سنوات وشهور يعني مهي محتاجه له هو صار يمدح فيها انها ماتطلب منه شي ومآشيه معه سيدا وماتزعله وتعطيه فلوس ..مرت ثمان سنوات الان جبت بنت قبل ثلاث سنوات الان معي خمس أطفال زوجي مايصرف علي ابدا غير الف عيد الفطر و٥٠٠ عيد الأضحى فقط لالبس شتوي لا طلعه ولاوناسه جالسه بس لحالي انا وأطفالي هو يجي نتهاوش اذ طلبت بحقوقي واذ سكت هدت الأمور اهلي بعيد عني ضايقه فيني الوسيعه بس ابكي من حاجتي حتى علي ديون وسلفات عجزت أسدد احس أني متزوجه بس لشغل البيت والطبخ حتى النوم اذ شافني نايمه الظهر يهاوشني ليش ماصحى بدري زي الحريم الحين واصله اخر مراحل تعبي وبادي فيني اكتئاب والدكتور عطاني مضاد لااكتئاب بس مااكلتها خايفه من أضراره ...معليش طولت بسرد قصتي بس والله فيه اشياء كثره ماقلتها..اعترف أني أغلط عليه ب الكلام اذ طلبت ونقصني شي وجلست شهور اطلب ولا يجيني اعترف أني اقصر بحقوقه الخاصه اذ زعلت اعترف أني قبل شهرين خنته بمحادثة مع شايب تاجر وكان هدفي انه يصرف علي بس والله ماشافني ولاشي محادثات فقط ولاتعدت الأدب كشفني بسرعه وانا فرحانه أنه كشفني يمكن لو طولت أغلط غلط اكبر لنو كنت محتاجه اشياء كثيره اهتمام وحب وراحه وانسان يصرف علي بس الحمدلله على كل حال سؤالي الحين يحق لي اطلب الطلاق وأروح اكمل دراستي واعيش الحياه الي راح عمري انتظرها والا أضحي عشان عيالي الخمسه خصوصا أني خلاص بس ابكي وهم كبير على صدري من افعاله وكلامه امي ماني شريفه وتقصيره اخاف على نفسي اذ طولت محتاجه ارجع وأكمل ف الغلط أرجوكم ساعدوني انا بين نارين ابي عيالي وابي أعيش مرتاحه حتى لَبْس شتاء ماعندي